रिलायबल नेपाल लाइफको साधारण सभा आह्वान, आईपीओ जारी गर्ने

रिलायबल नेपाल लाइफ इन्स्योरेन्स कम्पनी लिमिटेडले सर्वसाधारणमा साधारण शेयर (आईपीओ) जारी गर्ने सहित अन्य प्रस्तावहरु राखेर दोश्रो वार्षिक साधारण सभा आह्वान गरेको छ ।

कम्पनी सञ्चालक समितिको असार १४ गते आइतबार सँपन्न बैठकले साउन ११ गते आइतबार होटल मेरियट, नक्साल, काठमाडौँमा दिनको १ बजे साधारण सभा बोलाउने निर्णय गरेको हो ।

सभाले सर्वसाधारणमा ६० करोड रुपैयाँ बराबरको आईपीओ जारी गर्ने, उदेश्य थप गर्ने, सञ्चालक समितिको व्यवस्थामा परिवर्तन, गणपुरक संख्या, सञ्चालकहरुको सुविधा जस्ता कारणहरुबाट सञ्चालक समितिको निर्णय बमोजिम प्रबन्धपत्र र नियमावलीका सम्बद्ध दफाहरु संसोधन गर्ने प्रस्ताव रहेको छ।

यस्तै लेखापरीक्षक नियुक्ती र पारिश्रमिक निर्धारण, लेखापरीक्षकको प्रतिवेदन सहितको आर्थिक वर्ष २०७५ असार मसान्तम्मको वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गर्ने लगायतका अन्य एजेण्डाहरु रहेका छन्।