शुक्रबार चार हजार ३९२ जना कोरोना संक्रमित थपिए

शुक्रबार नेपालमा ४ हजार ३९२ जनाान कोरोना संक्रमण पुष्टि भएको छ । गत २४ घण्टामा १६ हजार ५३१ पीसीआर परीक्षण गर्दा उपत्यकाका २ हजार ४०२ जना सहित ४ हजार ३९२ जना कोरोना फैलिएको पाइएको हो ।

स्वास्थ्य तथा जनसंख्या मन्त्रालयका अनुसार आज उपत्यकामा थपिएका संक्रमितमध्ये काठमाडौंमा १ हजार ७८४ जना, ललितपुरमा ३७४ जना र भक्तपुरका २४४ जना रहेका छन् ।

यो संख्यासँगै देशभरमा संक्रमितको संख्या एक लाख २६ हजार १३७ पुगेको छ । तीमध्ये सक्रिय संक्रमितको संख्या ३७ हजार ३८२ रहेको छ । नेपालमा हालसम्म कुल १२ लाख ५४ हजार १६७ पीसीआर परीक्षण गरिएको छ ।

पछिल्लो २४ घण्टामा कोरोना संक्रमण पराजित गरी घर फर्कनेको संख्या ३ हजार ५२२ जना रहेका छन् । यससँगै हालसम्म ८८ हजार ४० जना कोरोना मुक्त भएर अप्पतालबाट डिस्चार्ज भएका छन् ।

मन्त्रालयका अनुसार देशभरमा कवारेन्टिनमा ४ हजार ८०८ जना छन्। यस्तै संस्थागत आइसोलेसनमा १२ हजार ३३६ जना र होम आइसोलेसनमा २५ हजार ४६ जना रहेका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।