हवाई कार्गो भाडादरलाई पूर्वत लागतमा तल्काल सुचारु गर्न माग

नेपाल निर्यात परिषदले हवाई कार्गो भाडा दरलाई पूर्ववत लागतमा तल्काल सुचारु गरी सरलिकृत गर्ने व्यवस्था मिलाउन नेपाल सरकारका सम्बन्धित निकायहरुसँग माग गरेको छ ।

हवाई कम्पनिहरुबाट पहिलाको भन्दा २-३ गुणा भन्दा बढी हवाई कार्गो भाडा दर वृद्धि गरिरहेको र यसबाट हवाई कार्गो भाडा दर महङ्गो भएबाट नेपाली वस्तु निर्यातकर्ता तथा आयातकर्ता व्यवसायीहरु समेत आक्रान्त भईरहेको प्रति यस परिषदको गम्भिर ध्यानाकर्षण भएको जनाएको छ ।

यस्तो अवस्थामा पनि नेपाली निर्यात व्यवसायमा क्षेत्रमा संलग्न उद्यमी, व्यवसायीहरुले थोरै थोरै परिमाणमा भएपनि चार्टर्ड विमानबाट नेपाली वस्तुहरु निकासी गर्दै गरेको अवस्थामा राष्ट्रिय अर्थतन्त्रमा महत्वपूर्ण टेवा पु¥याइरहेको परिषद्ले जनाएको छ ।

कोभिड –१९ बाट समग्र निकासी कार्यमा संलग्न सम्पूर्ण उद्यमी, व्यवसायीहरुको निकासी व्यापार शिथिल र मर्माहत रहेको विद्यमान अवस्थालाई मध्यनजर राखी हवाई कार्गो भाडा दरलाई पूर्ववत लागतमा तल्काल सुचारु गरी सरलिकृत गर्ने व्यवस्था मिलाउन परिषद्ले माग गरेको हो।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।