महासंघमा महादंगल: जिल्ला नगरतर्फको मतदान सम्पन्न, शतप्रतिशत भोट खस्यो

नेपाल उद्योग वाणिज्य महासंघको नयाँ कार्यकारणी समितिको निर्वाचन अन्तर्गत जिल्ला नगर तर्फको मतदान सम्पन्न भएको छ ।

कमलादी स्थित प्रज्ञा भवनमा जारी मतदानमा दिँउसो २ बजेसम्म जिल्ला नगरका सबै प्रतिनिधिले भोट हालेको हाम्रा संवादताले जनाएका छन् । जिल्लानगर तर्फ कुल १०५ मध्ये १०५ मत खसेको छ ।

ललितपुर उद्योग वाणिज्य संघका प्रतिनिधिले सबैभन्दा अन्तिम भोट हालेका हुन । महासंघको निर्वाचनमा जिल्ला नगरतर्फको भोटको वेटेज ५० प्रतिशत रहने गर्छ । जिल्ला नगरतर्फको निर्वाचनमा चन्द्र ढकाललाई भन्दा किशोर प्रधानलाई बढी भोट गएको आँकलन गरिएको छ । 

जिल्लानगर तर्फको उपाध्यक्षमा वरिष्ठ उपाध्यक्षका उम्मेदवार किशोर प्रधान समुहबाट दिनेश श्रेष्ठले उम्मेद्वारी दिएका छन् भने श्रेष्ठको प्रतिस्पर्धीमा ढकाल समुहबाट गुणनिधि तिवारी रहेका छन्।

निर्वाचनस्थलमा खटिएका नोटबजारका संवाददाताका अनुसार यो समाचार तयार पार्दासम्म वस्तुगत तर्फ ८० भोट र एशोसियटतर्फ ८ सय बढी भोट खसिसकेको छ।

नेपाल उद्योग वाणिज्य महासंघको ५४ औं साधारण सभा अन्तर्गत नयाँ नेतृत्व चयनका लागि बिहान ८ बजेबाट सुरुभएको मतदान उपराह्न ४ बजेसम्म जारी रहने महासंघले जनाएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।