लक्ष्मी भ्यालु फन्ड–२ लाई इकाई बिक्री अनुमति

पुँजी बजारको नियामक निकाय नेपाल धितोपत्र बोर्डले सामुहिक लगानी कोष योजना लक्ष्मी भ्यालु फन्ड–२ लाई ८० करोड रुपैयाँ बराबरको इकाई जारी गर्न अनुमति दिएको छ ।

बोर्डले फन्डलाई प्रतिइकाई दश रुपैयाँ अंकित दरमा ८ करोड इकाई जारी गर्न जेठ ८ गते अनुमति दिएको हो । बोर्डबाट अनुमति पाएसँगै अब योजना व्यवस्थापक लक्ष्मी क्यापिटल मार्केटले उक्त इकाई बिक्रीका लागि सार्वजनिक सूचना जारी गरेर बिक्रीमा ल्याउनेछ ।

लक्ष्मी क्यापिटल मार्केटले हाल दुई बन्दमुखी योजनाहरु लक्ष्मी इक्वीटी फन्ड, लक्ष्मी उन्नति कोष र शुभ लक्ष्मी कोष नामक खुलामुखी योजना सञ्चालनमा गरिरहेको छ । क्यापिटलको व्यवस्थामा सञ्चालित लक्ष्मी भ्यालु फन्ड नामक योजना भने परिपक्क भैसकेको छ ।

सञ्चालनमा आउने नयाँ योजना सहित लक्ष्मी क्यापिटल मार्केटको व्यवस्थापनमा पाँच पुग्नेछ ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।