नेपालमा कोराना संक्रमितको संख्या २ हजार ३ सय, बुधबार २०१ थपिए

नेपालमा पछिल्लो २४ घण्टामा २०१ जना कोरोना भाइरस संक्रमित थपिएका छन्।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले थप १७९ पुरुष र २२ महिला गरी २०१ जनामा कोरोना पुष्टि भएको बताए। योसहित नेपालमा संक्रमितको संख्या दुई हजार ३ सय पुगेको छ।

बुधबार थप १२ जना डिस्चार्ज भएका छन्। योसँगै कोरोना निको भएर घर फर्कनेको संख्या २७८ पुगेको छ। यस्तै कोरोनाबाट थप एकजनाको मृत्यु भएको छ । यसरी कोरोनाबाट मृत्यु हुनेको संख्या ९ पुगेको छ ।