बिहीबार यस्तो छ सुनचाँदीको भाउ

सुनको मूल्य बिहीबार स्थिर रहँदा चाँदीको भाउ भने घटेको छ । नेपाल सुन चाँदी व्यवसायी महासंघका अनुसार चाँदीको भाउ तोलामा पाँच रुपैयाँले घटेको हो ।

महासंघका अनुसार बिहीबार पनि बुधबार तोकिएको भाउमा नै सुन खरिद बिक्री भइरहेको छ । यसअनुसार आजका लागि सुन खरिद गर्न चाहनेले प्रतितोला छापावाला सुनका लागि ९४ हजार ५०० रुपैयाँ र तेजाबी सुनका लागि प्रतितोला ९४ हजार रुपैयाँ खर्चनुपर्नेछ ।

बिहीबार चाँदीको भाउ एक हजार २०० रुपैयाँमा कारोबार भएको छ । बुधबार एक हजार २०५ रुपैयाँमा कारोबार भएको चाँदीको भाउ प्रतितोला ५ रुपैयाँले घटेको हो ।

अन्तर्राष्ट्रिय बजारमा सुनको मूल्य घटेसँगै नेपाली बजारमा पनि सुन केही घटेको छ । अन्तर्राष्ट्रिय बजारमा सुन प्रति आउन्स एक हजार ९०० डलरमा कारोबार भइरहेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।