शेयर बजारमा ३ अर्ब ७० करोडको कारोबार, ब्यापारमा तेजी आउँदा पुनर्बीमाको उच्च कारोबार

सातको दोस्रो कारोबार दिन सोमबार एकैदिन शेयर बजारमा ३ अर्ब ६९ करोड ९८ लाख ७९ हजार रुपैयाँको कारोबार भएको छ । आइतबारको तुलनामा कारोबार रकम करोडले बढेको हो ।

आज नेप्से सूचक ०.२६ प्रतिशत अर्थात ४.२२ अंकले बढेर एक हजार ६५२ दशमलव उता ठूला कम्पनीको सूचक मापक सेन्सेटिभ इन्डेक्स भने ०.६१ अंकले घटेर ३२५ दशमलव ३३ अंकमा झरेको छ ।

आज १९५ वटा कम्पनीको एक करोड ३५ हजार ३१३ कित्ता शेयर ४१ हजार ४९ पटक खरीद बिक्री भएको छ ।

कारोबारमा आएका १२ उपसमूहका परिसूचकमध्ये ब्यापारमा ४.४२ प्रतिशतको तेजी आएको छ । ब्यापार सूचक ५८.८० अंकले बढेर १३९०.४३ अंकमा पुगेको छ । अन्यको सूचक ४.२० प्रतिशत, लघुवित्त १.१९ प्रतिशतले बढ्दा उत्पादन, निर्जीबन बीमा र वित्तको सूचक सामान्य बढेका छन् । जलविद्युत, बैंकिङ्ग, विकास बैंक होटल, म्युचअल फण्ड र जीबन बीमाको सूचक घटेका छन् ।

• नेपाल पुनर्बीमा कम्पनीको उच्च कारोबार

सोमबार नेपाल पुनर्बीमा कम्पनीको उच्च कारोबार भएको छ । कम्पनीको ५ लाख ८३ हजार ९२० कित्ता शेयर ५५ करोड १ लाख ८१ हजार रुपैयाँमा खरीद बिक्री भएका छन् । आज भएको कारोबारको करिब १५ प्रतिशत हिस्सा यसै कम्पनीले ओगटेको छ ।

यसैगरी नेपाल टेलिकम, हिमालयन डिष्टिलरी, अपि पावर र नेपाल लाइफको १० करोड बढीको कारोबार भएको छ । एभरेष्ट बैंक, प्रभु बैंक, अरुण काबेली पावर, नबिल बैंक र शिखर इन्स्योरेन्सको उच्च कारोबार भएको छ ।

• तीन कम्पनीको शेयरमूल्यमा सर्किट

सोमबार तीन कम्पनीको शेयरमूल्यमा सकारात्मक सर्किट लागेको छ । सानिमा जनरल इन्स्योरेन्सको चौथो कारोबार दिन सर्किट लागेको छ भने कर्पोरेट डेभलपमेन्ट बैंक र मिथिला लघुवित्तको पनि १० प्रतिशतले मूल्य बढेको छ ।

आजको बजारमा नेपाल पुनर्बीमा कम्पनी, बोटलर्स नेपाल तराई, साधना लघुवित्त, साल्ट ट्रेडिङ्ग, डिप्रोक्स लघुवित्त, नाडेप लघुवित्त, सिभिल लघुवित्त शीर्ष शेयरमूल्य बढ्ने दश कम्पनीमा समेटिएका छन् ।

• घलेम्दी र पाँचथर पावरको शेयरमूल्य धेरै घट्यो

आज घलेम्दी र पाँचथर पावरको शेयरमूल्य ४ प्रतिशत धेरैले घटेको छ । यसैगरी युनिभर्सल पावर, हिमालयन पावर पार्टनर, एभरेष्ट बैंक, साञ्जेन जलविद्युत, सिनर्जी पावर, एचआईडिसीएल, पञ्चकन्या माई र हिमाल दोलखा हाइड्रोपावरको शेयरमूल्य पनि ३ प्रतिशत धेरैले घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।