टेलिकमको अटम अफर २०२० मा थप सुविधा पाइने

नेपाल टेलिकमले अटम अफर २०२० मा सुविधा थप गरेर नयाँ ‘इको भ्वाइस प्लस डाटा कम्बो’ प्याक ल्याएको छ । परिमार्जित अफर शुक्रबार (२०७७ मंसिर ५ गते) राती १२ बजे पश्चात लागू हुने कम्पनीले जनाएको छ ।

नयाँ प्याकमा यसअघि पाइने सुविधाका अलवा २५० मा खरीद गर्न सकिने एक साताको प्याकमा प्रतिदिन १४ मिनेटको हिसाबले जम्मा ९८ मिनेट र ८५० रुपैयाँमा खरीद गर्न सकिने २८ दिने प्याकमा प्रतिदिन १४ मिनेटको हिसाबले जम्मा ३९२ मिनेट भ्वाइस कल गर्न सकिन्छ ।
यसअघि टेलिकमको अफर अन्तर्गत प्रतिदिन १ जिबी डाटा प्याक अन्तगर्त ७ दिनका लागि २५० रुपैयाँ खरीद गर्दा दैनिक १ जिबी डाटा ७

दिनसम्म प्रयोग गर्न सकिन्थ्यो भने र २८ दिनका लागि ८५० रुपैयाँमा खरीद गरिने प्याकमा प्रतिदिन १ जिबी डाटाको हिसाबले जम्मा २८ जिबी डाटा २८ दिनभित्र प्रयोग गर्न सकिने सुविधा रहेको थियो । नयाँ कम्बो प्याकमा भ्वाइस सुविधा थप गरिएको हो ।

कम्पनीका अनुसार माथि उल्लेखित गरिएका सबै दरहरु कर सहितका हुन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।