नेप्सेमा सामान्य सुधार, कारोबार रकम सात अर्ब ४० करोड माथि

लगातार दोहोरो अङ्कको वृद्धि तथा कारोबार रकममा समेत नयाँनयाँ कीर्तिमान कायम गरेको शेयर कारोबार मापक नेप्से परिसूचक मंगलबार भने झिनो अङ्कले मात्रै उकालो लागेको छ ।

मंगलबार नेप्से ३.३५ बिन्दुले उकालो लागेर दुई हजार बिन्दुमा पुगेको छ । यस्तै, ठूला कम्पनीको शेयर कारोवार मापन गर्ने सेन्सेटिभ परिसूचक भने आज १.७७ बिन्दुले ओरालो लागेर ३८३.७९ मा पुगेको छ ।

नेप्सेमा झिनो अङ्कको सुधार भए पनि कारोबार रकम भने पनि साढे सात अर्ब बराबरको नै भएको छ । कूल १९७ कम्पनीको एक करोड ८५ लाख ७६ हजार ७०८ कित्ता शेयर सात अर्ब ४० करोड ४१ लाख ५४ हजार सात मा कारोवार भयो ।

स्टकका अनुसार आज कारोबार भएका कूल १२ उपसमूहमध्ये पाँच उपसमूहको शेयर उकालो लाग्दा सात उपसमूहको शेयर भने ओरालो लागेको छ । बैंकिङ ४१.४३, व्यापार १०७.६४, होटल २०.८२, विकास बैंक ५२.८४, वित्त ७.४३, निर्जीवन बीमा ३४ र सामूहिक लगानी कोष ०.१८ बिन्दुले ओरालो लागे ।

यस्तै, जलविद्युत् ३८.६३, उत्पादन ९९.८१, अन्य १०७.७, लघुवित्त १.४३ र जीवन बीमा २१६.८३ बिन्दुले उकालो लागे । स्टकका अनुसार आज कारोवारका आधारमा नेपाल पुनरबीमा कम्पनी शीर्ष स्थानमा रहेको छ । सो कम्पनीको ६५ करोड ७९ लाख ८८ हजार १०२ बराबरको कारोवार भयो ।

यस्तै, नेपाल दूरसञ्चार कम्पनी ४४ करोड ३६ लाख ५० हजार ३९९, नेपाल लाइफ इन्स्योरेन्स कम्पनी रु ३३ करोड ९० लाख ३५ हजार १६८, नेपाल बङ्गलादेश बैंक २५ करोड २६ लाख २४ हजार ५९६, प्रभु बैंक २० करोड ८५ लाख ६० हजार ५३, शिवम् सिमेन्ट २० करोड ३७ लाख २२ हजार ९८२ र नबिल बैंक २० करोड ११ लाख ९४ हजार ६६० बराबरको कारोवार भई शीर्ष स्थानमा रहे ।

स्टकका अनुसार आज पुनरबीमा कम्पनी ९.९७, रसुवागढी हाइड्रोपावर ९.९६, माथिल्लो तामाकोशी ९.८५, नेपाल दूरसञ्चार कम्पनी ९.७१, साञ्जेन जलविद्युत् कम्पनीका लगानीकर्ताले ९.६८ प्रतिशतले कमाए । यस्तै, ग्रीन डेभलपमेन्ट बैंक ७.७३, नेपाल बङ्गलादेश बैंक ५.६८, बोटलर्स नेपाल तराई ५.३२, मल्टीपर्पोज फाइनान्स ५.११ र साल्ट टे«डिङ कर्पोरेशनका लगानीकर्ताले ४.५० प्रतिशतले गुमाए ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।