आरबीआईले पनि गरेन नीतिगत परिवर्तन, तेस्रो त्रैमासदेखि अर्थतन्त्र सकारात्मक हुने अनुमान

भारतीय रिजर्भ बैंक (आरबीआइ) ले चालु आर्थिक वर्षको मौद्रिक नीतिको दोस्रो समीक्षा मार्फत कुनै पनि नीतिगत दरमा परिवर्तन गरेको छैन ।

आरबीआईका गभर्नर शक्तीकान्त दासले रेपो र रिभर्स रिपो दरमा कुनै परिवर्तन नगरेको जानकारी दिएका हुन ।

आरबीआईले शुक्रबार मौद्रिक नीतिको दोस्रो त्रैमासीक समीक्षा गर्दै रिपो रेटमा कुनै परिवर्तन नगरी ४ प्रतिशत नै कायम गरेको छ । समीक्षा मार्फत आरबीआइले चालु आर्थिक वर्षमा अर्थतन्त्र ५ प्रतिशतले घट्ने अनुमान गरेको छ ।

कोरोनाका कारण सुस्त बनेको अर्थतन्त्रलाइ चलायमान बनाइराख्नका लागि मौद्रिक नीतिलाइ खुकुलो अवस्थामा नै रोखको दासले बताए । अर्थतन्त्रलाई गतिशिल बनाउनका लागि आगामी दिनमा नीतिगतदरहरुमा कटौती गर्न परेको खण्डमा समेत निर्णय गरिने उनले बताए।

मौद्रिक नीति समितिको निर्णय सार्वजनिक गर्दै दासले मुद्रास्फीति उच्च भएपनि समितिका सबै ६ सदस्यले नीतिगतदरमा परिवर्तन नगर्ने सहमति भएको उनले बताए । कोरोनाका कारण प्रभावित अर्थतन्त्रलाइ गति दिनका लागि आवश्यक कदम चालिने समेत उनले बताए ।

एमपीसीको शुक्रबारको निर्णयले रेपो दर ४ प्रतिशत र रिभर्स रिपो ३.३५ प्रतिशत कायम राखेको छ । यसभन्दा अघि आरबीआइले आर्थिक गतिविधि बढाउनका लागि गत मार्चमा १.१५ प्रतिशतले रिपो रेट कटौती गरीसकेको छ । चालु आर्थिक वर्षको तेस्रो तथा चौथो त्रैमासमा अर्थतन्त्र क्रमस ०.१ र ०.७ प्रतिशतसम्मको वृद्धि हुने उनको अनुमान रहेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।