सुनको भाउ प्रतितोला ७०० रुपैयाँले घट्यो, कतिमा हुँदैछ कारोबार ?

बुधबार सुनको भाउ तोलामा ७०० रुपैयाँले घटेको छ ।

मंगलबार एकैदिन तोलामा १ हजार ५०० रुपैयाँले बढेको सुनको मूल्य पुनः घटेको हो । यस्तै चाँदीको भाउ पनि तोलामा २० रुपैयाँले घटेको छ ।

नेपाल सुनचाँदी ब्यवसायी महासंघले बुधबारका लागि छापावाल सुनको मूल्य प्रतितोला ९३ हजार ४००, तेजाबी सुनको मूल्य प्रतितोला ९२ हजार ९५० र चाँदीको मूल्य प्रतितोला १ हजार २१५ रुपैयाँ निर्धारण गरेको छ ।

हिजो मंगलबार छापावाल सुन प्रतितोला १ हजार ५०० रुपैयाँले बढेर ९४ हजार १००, तेजाबी सुन प्रतितोला ९३ हजार ६५० र चाँदी प्रतितोला १ हजार २३५ रुपियाँमा कारोबार भएको थियो । चाँदीको मूल्य पनि हिजो एकैदिन प्रतितोला ३० रुपैयाँ बढेको थियो ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।