सुनचाँदीको मूल्य स्थीर

पहेँलो धातु सुनको भाउ आइतबार स्थीर रहेको छ । विगत तीन कारोबार दिनयता सुनसँगै चाँदीको भाउमा पनि कुनै परिवर्तन भएको छैन। 

नेपाल सुनचाँदी व्यवसायी महासंघका अनुसार आइतबार छापावाला सुन प्रतितोला ९२ हजार ५०० रुपैयाँ, तेजाबी सुनको भाउ प्रतितोला ९२ हजार ५० रुपैयाँ र चाँदी प्रतितोला एक हजार २०० रुपैयाँ निर्धारण गरिएको छ ।

यसअघि गत बिहीबार सुन प्रतितोला ९०० रुपैयाँले घटेर ९२ हजार ५०० रुपैयाँमा खरीद बिक्री भएकोमा त्यसयता एउटै मूल्यमा सुनको कारोबार भैरहेको छ ।

नेपाली बजारमा अन्तराष्ट्रिय बजारमा सुनको मूल्यमा आउने उतार चढाव अनुसार नै सुनको भाउ निर्धारण हुँदै आएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।