सञ्चालनमा रहेका १८ मध्ये १३ वटा निर्जीवन बीमा कम्पनीले गत आर्थिक वर्ष २०७८/७९ बाट सेयरधनीलाई लाभांश वितरण गर्ने प्रस्ताव गरेका छन् । समीक्षा अवधिमा पाँच कम्पनीले त पुस मसान्तभित्रै साधारण सभा समेत सम्पन्न गरेका छन् ।
गत आवबाट दुई कम्पनीले लाभांश वितरण गरेनन् । भारतीय लगानी रहेको दुई कम्पनीहरु ओरिन्टल इन्स्योरेन्स र नेशनल इन्स्योरेन्स तथा सरकारी स्वामित्वको राष्ट्रिय बीमा कम्पनीको लाभांश घोषणा भएको छैन । राष्ट्रिय बीमा कम्पनीले दशकौंदेखि लेखापरीक्षण कार्य सम्पन्न गर्न नसक्दा वार्षिक साधारण सभा गरेको छैन । कम्पनीले आव २०६८/६९ देखिको वार्षिक साधारण सभा गर्न सकेको छैन । भारतीय लगानी रहेका कम्पनीहरुले नेपालमा लाभांश वितरण गर्दैनन् ।
गत आवको नाफाबाट शिखर इन्स्योरेन्सले सर्वाधिक १६.८४ प्रतिशत लाभांश वितरण गरेको छ भने नेको र प्रिमियर इन्स्योरेन्स कम्पनीले १५ प्रतिशत धेरै लाभांश वितरण गरेका छन् । सबैभन्दा कम हिमालयन एभरेष्टले २.८९ प्रतिशत मात्र लाभांश वितरणको प्रस्ताव गरेका छन् ।
प्रिमियर इन्स्योरेन्स, सिद्धार्थ इन्स्योरेन्स, नेपाल इन्स्योरेन्स, युनाइटेड इन्स्योरेन्स र अजोड इन्स्योरेन्सले पुसभित्रै साधारण सभा सम्पन्न गरेका छन् । आइएमई जनरल माघ ९ गते, नेकोले माघ १५ गते र शिखर इन्स्योरेन्सले माघ २५ गते एजीएम बोलाएका छन् । आइएमई जनरल र नेको इन्स्योरेन्सको बुकक्लाज भैसकेको छ । शिखर इन्स्योरेन्सको भने माघ १७ गते मंगलबारसम्म सेयर खरिद गर्नेले भने कम्पनीले प्रस्ताव गरेको १६ प्रतिशत बोनस सेयर पाउनेछन् ।
Non Life Insurance | Bonus | Cash | Total | Book close | AGM |
Shikhar Insurance | 16.00 | 0.84 | 16.84 | Magh 17, Tuesday | Magh 25, Wednesday |
Neco Insurance | 15.00 | 0.53 | 15.53 | Magh 3, Tuesday | Magh 15, Sunday |
Premier Insurance | 14.25 | 0.75 | 15.00 | Poush 22, Friday | Poush 29, Friday |
Sagarmatha Insurance | 12.40 | 0.66 | 13.06 | ||
NLG Insurance Company | 10.00 | 0.53 | 10.53 | ||
Siddhartha Insurance | 9.00 | 0.47 | 9.47 | Poush 18, Monday | Poush 29, Friday |
Nepal Insurance | 8.00 | 0.42 | 8.42 | Poush 8, Friday | Poush 22, Friday |
Lumbini General Insurance | 7.00 | 0.35 | 7.35 | ||
Prabhu Insurance | 6.70 | 0.35 | 7.05 | ||
Prudential Insurance | 6.50 | 0.34 | 6.84 | ||
IME General Insurance | 6.50 | 0.34 | 6.84 | Poush 27,Wednesday | Magh 9, Sunday |
United Insurance (Nepal) | 5.00 | 0.26 | 5.26 | Poush 17, Sunday | Poush 27, Wednesday |
Himalayan Everest Insurance Limited | 2.75 | 0.14 | 2.89 | ||
Ajod Insurance Company | 0.00 | 0.00 | 0.00 | Poush 22, Friday | Poush 30, Saturday |
Sanima GIC Insurance Limited | 0.00 | 0.00 | 0.00 | ||
Rastriya Beema Company | |||||
National Insurance Company | |||||
Oriental Insurance Company |
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया