नियामकको अब्यवहारिक औजारका कारण लगानीकर्ताले १७ खर्ब गुमाएः सांसद ढकाल

राष्ट्रिय स्वतन्त्र पार्टीका सांसद हरि ढकालले नियामक निकाय नेपाल राष्ट्र बैंकले ल्याएको मौद्रिक नीतिका कारण लगानीकर्ताको १७ खर्ब सम्पत्ति गुमेको बताएका छन् ।

आजको संसद बैठकमा बोल्दै ढकालले ५६ लाख लगानीकर्ताले लगानी गरेको नेपालको पुँजी बजार विगत २० महिनादेखि निरन्तर घटेर करिब १७ खर्ब आफ्नो सम्पत्ति गुमाइसकेका बताए ।

राष्ट्र बैंकले लिएको गलत वा अब्यवहारिक औजारका कारण २० महिना अगाडि नेपालको पुँजी बजारले मासिक ३.२५ अर्ब राजश्व योगदान गर्ने गरेकोमा अहिले मासिक ५ करोड रुपैयाँमा झरेको उनको भनाई छ । शुन्य समयमा बोल्दै उनले यस विषयमा अर्थमन्त्री प्रकाश शरण महतको समेत ध्यानाकर्षण गराएका हुन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।