आईजीआई प्रुडेन्सियल इन्स्योरेन्स लिमिटेडको सेयर जेठ २१ गते आइतबारदेखि कारोबारमा आउने भएको छ ।
कम्पनीको अंकित मूल्य १०० रुपैयाँ दरका कुल ३ करोड २ लाख ९३ हजार ३४६ कित्ता सेयर ‘आइजीआई’ सिम्बोलमा नेप्सेमा जेठ १८ गते बिहीबार सूचीकृत भएको भएको छ । साविक आइएमई जनरल इन्स्योरेन्स र प्रुडेन्सियल इन्स्योरेन्सबीच एकआपसमा गाभिई एकीकृत कारोबार सुरू भएपछि दोस्रो बजारमा कारोबार गर्न मिल्नेगरी सेयर सूचीकृत भएको हो ।
कम्पनीको सेयर धितोपत्र सूचीकरण विनियमावली, २०७५ बमोजिम नेप्सेमा कारोबार हुनका लागि संलग्न सम्झौताबमोजिमका शर्तहरू पालना गर्ने गरी जेठ १८ गते आइजीआई प्रुडेन्सियल इन्स्योरेन्सको शेयर सूचीकृत भएको हो ।
साबिक आईएमई जनरल र प्रुडेन्सियल इन्स्योरेन्सबीच १ः१ अनुपातको समान सेयर स्वाप रेसियोमा मर्जर सम्पन्न भई ‘आइजीआई प्रुडेन्सियल इन्स्योरेन्स’ को नामबाट २०८० बैशाख २७ गतेदेखि एकीकृत कारोबार थालेका थिए ।
‘आइजीआई प्रुडेन्सियल इन्स्योरेन्स’ को सेयर कारोबारका लागि नेप्सेले दुबै कम्पनीको सेयरमूल्य समायोजन पश्चात प्रतिकित्ता ३७० रुपैयाँ ८२ पैसा कारोबार रेञ्ज दिएको छ ।
बिहीबार सूचीकृत भएसँगै अब कम्पनीको सेयर आइतबारदेखि धितोपत्रको दोस्रो बजारमा कारोबारमा आउनेछ । नेप्सेमा सेयर सूचीकृत भएको दोस्रो कारोबार दिनदेखि कारोबार हुने व्यवस्था रहेको छ ।
प्रतिक्रिया