कुनै बेला पाँच विकास क्षेत्रका लघुवित्त कम्पनीहरु समस्याग्रस्त भएर पुन: मर्जर गराएर एकीकृत कारोबार थालेको ग्रामीण विकास लघुवित्त (GBLBSL) फेरि लकडाउनका कारण खराब कर्जाले थिचिएको छ ।
गत आर्थिक वर्ष २०७६/७७ को चौथो त्रैमासिक वित्तीय विवरण अनुसार लघुवित्तमा खराब कर्जाको अंश नेपाल राष्ट्र बैंकले तोकेको सीमाभन्दा नाघेको छ भने नोक्सानी व्यवस्थाका कारण सञ्चालन नोक्सानीमा पुगेको यस कम्पनीले पुरानो कर्जा असुली गर्दा नाफा सकारात्मक बनेको छ।
लघुवित्तको खराब कर्जा नोक्सानी व्यवस्था ९ करोड १७ लाख पुग्दा लघुवित्तले १ करोड २० लाख सञ्चालन नोक्सानी व्यहोरेको हो। तर १३ करोड ८१ लाख पुराना नाक्सानी व्यवस्थाबाट फिर्ता हुँदा लघुवित्त बल्ल गत आवमा ८ करोड २८ लाख रुपैयाँले नाफामा पुगेको छ।
अघिल्लो आवमा लघुवित्तले २० करोड ५३ लाख ४८ हजार नाफा कमाएकोमा गत आवमा ९ करोड ६३ लाख रुपैयाँले नाफा घटेको हो। नाफा घटेसँगै लघुवित्तको वार्षिक प्रतिशेयर आम्दानी .७९ रुपैयाँले घटेको वित्तीय विवरण आइतबार सार्वजनिक गरेको छ ।
Particulars | Grameen Bikas Laghubitta Bittiya Sanstha (Rs in ‘000) | ||
Q4 2076/77 | Q4 2075/76 | Difference | |
Paid Up Capital | 982,500.00 | 924,216.00 | 6.31% |
Reserve & Surplus | 606,308.00 | 509,939.00 | 18.90% |
Net Profit | 82,808.00 | 205,348.00 | -59.67% |
EPS (In Rs.) | 8.43 | 22.22 | -62.06% |
Net Worth per Share (In Rs.) | 161.71 | 155.18 | 4.21% |
Deposits | 3,562,707.00 | 3,237,813.00 | 10.03% |
Borrowings | 4,613,432.00 | 4,901,308.00 | -5.87% |
Loans & Advances | 10,289,488.00 | 9,905,997.00 | 3.87% |
Net Interest Income | 1,030,474.00 | 970,900.00 | 6.14% |
Provision for possible losses | 197,936.00 | 106,207.00 | 86.37% |
Operating Profit | 12,012.00 | 248,675.00 | -95.17% |
Write back of Provision for possible losses | 138,152.00 | 50,338.00 | 174.45% |
NPL (%) | 5.08 | 4.14 | 22.71% |
PE Ratio (times) | 66.43 | 16.2 | 310.06% |
यस्तै सरकारले गरेको लकडाउनका कारण कर्जा असुली प्रभावित भई खराब कर्जा अनुपात बढ्दा जोखिम व्यवस्थापन बढेको कारण पनि लघुवित्त कम्पनीको नाफामा करिब ६० प्रतिशतको गिरावट आएको छ ।
लघुवित्तको नाफा घट्दा तथा चुक्ता पूँजीमा आएको बढोत्तरीले इपिएसमा गिरावट देखा परेको हो । समीक्षा अवधिमा कम्पनीले ९२ करोड ४२ लाख १६ हजारको चुक्ता पूँजी ९८ करोड २५ लाख रुपैयाँ पुगेको छ भने वार्षिक प्रतिशेयर आम्दानी २२.२२ रुपैयाँबाट घटेर ८.४३ रुपैयाँमा सीमित भएको छ ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया