प्रभु बैंक लिमिटेड(PRVU) को चालु आर्थिक वर्षको पहिलो त्रैमासमा खुद नाफा ३५.२५ प्रतिशतले बढेर ८५ करोड १४ हजार रुपैयाँ खुद नाफा कमाएको छ । गत आर्थिक वर्षको यसै अवधिसम्ममा बैंकले ६२ करोड ८४ लाख ६७ हजार रुपैयाँ खुद नाफा कमाएको थियो ।
असोज मसान्तसम्ममा बैंकको वितरणयोग्य नाफा १७ करोड ५६ लाख २८ हजार रुपैयाँ रहेको छ । गत आवको यसै अवधिमा ५ करोड ५७ लाख रुपैयाँ वितरणयोग्य नाफा कमाएको बैंकले ११ करोड ९८ लाख रुपैयाँले बढाएको हो । प्रथम त्रैमासको आधारबाट बैंकले ६.८१ प्रतिशत लाभांश वितरण गर्नसक्ने क्षमता बनेको छ ।
चालु आर्थिक वर्षको पहिलो त्रैमासको अन्त्यसम्ममा बैंकले १ खर्ब ३३ अर्ब २९ करोड रुपैयाँ निक्षेप संकलन गरी १ खर्ब १६ अर्ब ६ करोड रुपैयाँ कर्जा परिचालन गरेको छ । यसबाट बैंकले १ अर्ब ६९ करोड ३९ लाख रुपैयाँ खुद ब्याज आम्दानी र १ अर्ब २५ करोड १७ लाख रुपैयाँ सञ्चालन नाफा गरेको छ ।
समीक्षा अवधिमा ३.५३ प्रतिशतले निक्षेप संकलन बढाएको बैंकले १६.७५ प्रतिशतले कर्जा लगानी बढाउँदा खुद ब्याज आम्दानी गत आवको पहिलो त्रैमासको तुलनामा २०.४१ र सञ्चालन नाफा ४०.४९ प्रतिशतले बढोत्तरी भएको छ ।
चुक्ता पूँजी १० अर्ब ३१ करोड ५५ लाख रुपैयाँ रहेको बैंकको वार्षिक प्रतिशेयर आम्दानी ३२.९६ रुपैयाँ छ । जगेडा कोषमा ४ अर्ब ३० करोड र रिटेन्ड अर्निङ्गमा १ अर्ब ४० करोड रुपैयाँ सञ्चित रहेको बैंकको यस अवधिमा प्रतिशेयर नेटवर्थ १५५.३० रुपैयाँ र मूल्य आम्दानी अनुपात ७.२२ गुणा छ ।
असोज मसान्तसम्ममा बैंकको खराब कर्जा अनुपात २.६७ प्रतिशत र आधार दर ७.३९ प्रतशितमा सुधारिएको छ । बैंकको पूँजी कोष अनुपात ११.६३ प्रतिशतमा खुम्चिँदा बैंकलाई व्यवसाय विस्तारका लागि दीर्घकालीन स्रोत जुटाउनुपर्ने बाध्यता छ । बैंकको कोषको लागत ४.८९ प्रतिशत र स्प्रेडदर ४.३७ प्रतिशत रहेको छ ।
| Particulars | Prabhu Bank Limited ( Rs in ‘000) | ||
| Q1, 2077/2078 | Q1, 2076/2077 | Difference | |
| Paid-up Capital | 10,315,507 | 8,892,675 | 16.00% |
| Retained Earnings | 1,400,136 | 1,224,508 | 14.34% |
| Reserves | 4,304,612 | 3,857,894 | 11.58% |
| Profit/(Loss) for the Year | 850,014 | 628,467 | 35.25% |
| EPS (Rs.) | 32.96 | 28.27 | 16.59% |
| Net worth per share (Rs.) | 155.3 | 167.12 | -7.07% |
| Deposit from Customers | 133,292,515 | 128,740,771 | 3.54% |
| Loans & Advances to Customers | 116,067,074 | 99,413,817 | 16.75% |
| Net Interest Income | 1,693,927 | 1,406,840 | 20.41% |
| Net Fee and Commission Income | 315,020 | 240,872 | 30.78% |
| Impairment Charge/(Reversal) | 86,272 | 124,980 | -30.97% |
| Operating Profit | 1,251,704 | 890,966 | 40.49% |
| Distributable Profit/(Loss) after P/L appropriation and Regulatory Adjustments | 175,628 | 55,763.00 | 214.95% |
| Capital Adequacy Ratio (CAR) (%) | 11.63 | 11.03 | 5.44% |
| Non-Performing Loan (NPL) | 2.67 | 3.32 | -19.58% |
| CCD (as per NRB Directive) | 72.79 | 77.81 | -6.45% |
| Cost of Fund (%) | 4.89 | 6.15 | -20.49% |
| Base Rate (%) | 7.39 | 9.24 | -20.02% |
| Qtr End PE Ratio (Rs.) | 7.22 | 9.37 | -22.95% |
| Interest Rate Spread (%) | 4.37 | 5.15 | -15.15% |
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया