ग्लोबल आईएमई बैंक (GBIME) ले चालु आर्थिक वर्षको पहिलो त्रैमास अर्थात असोज मसान्तसम्ममा एक अर्ब ७ करोड रुपैयाँ खुद नाफा गरेको छ ।
बैंकको यो नाफा गत आर्थिक वर्षको सोही अवधिको तुलनामा ४०.५९ प्रतिशतले धेरै हो । गत आर्थिक वर्षको सोही अवधिमा बैंकले ७३ करोड ४६ लाख रुपैयाँ खुद नाफा गरेको थियो ।
यो गत आर्थिक वर्षको सोही अवधिको तुलनामा ३० करोड ५६ लाख रुपैयाँ नाफा बढाएको बैंकको सञ्चित कोषमा ५१ करोड ८९ लाख रुपैयाँ थप गरेको छ । जनता बैंकलाई गाभेपछि बैंकको व्यावसाय विस्तार हुनुका साथै खुद नाफा पनि बढेको हो ।
चालु आर्थिक वर्षको पहिलो त्रैमासमा बैंकको वितरण योग्य मुनाफा २२ करोड ६१ लाख रुपैयाँ रहेको छ । यो अवधिमा बैंकको खुद ब्याज आम्दानी २ अर्ब ५९ करोड ३६ लाख रुपैयाँ पुगेको छ । गत आर्थिक वर्षको सोही अवधिमा बैंकले १ अर्ब २ करोड ८८ लाख रुपैयाँ खुद नाफा गरेको थियो ।
हाल १८ अर्ब ९७ करोड ५८ लाख रुपैयाँ चुक्ता पूँजी रहेको बैंकको सञ्चित कोषमा ९ अर्ब २६ करोड ७१ लाख रुपैयाँ रहेको छ । बैंकको सो अवधिको रिटेन्ड अर्निङ १ अर्ब ८४ करोड ४७ लाख रुपैयाँ रहेको छ । पहिलो त्रैमासमा बैंकले शेयर प्रिमियमवाट ५३ लाख ९३ हजार रुपैयाँ आम्दानी गरेको छ ।
चालु आवको पहिलो त्रैमासमा बैंकको प्रतिशेयर आम्दानी २८.८७ रुपैयाँबाट घटेर २२.३२ रुपैयाँमा झरेको छ । बैंकको प्रतिशेयर नेटवर्थ १५८ रुपैयाँ ५९ पैसा रहेको छ भने मूल्य आम्दानी अनुपात १२.१९ गुणा कायम भएको छ ।
चालु आर्थिक वर्षको तीन महिनामा बैंकको निक्षेप २ खर्ब २४ अर्ब २३ करोड रुपैयाँ पुगेको छ । गत आवको सोही अवधिमा बैंकको निक्षेप २ खर्ब १२ अर्ब ३१ करोड रुपैयाँ रहेको थियो । चालु आवको असोजसम्ममा बैंकको कर्जा लगानी १ खर्ब ८९ अर्ब ३८ करोड रुपैयाँबाट बढेर १ खर्ब ९५ अर्ब ७३ रुपैयाँ पुगेको छ ।
चालु आवको पहिलो त्रैमास बैंकको खराब कर्जा बढेर १.८३ प्रतिशत पुगेको छ । गत आवको सोही अवधिमा बैंकको खराब कर्जा ०.८५ प्रतिशत रहेको थियो । असोजसम्ममा बैंकको आधार ७.२५ प्रतिशतमा झरेको छ । गत आवको सोही अवधिमा बैंकको आधार ब्याजदर ९.४४ प्रतिशत थियो । चालु आवको पहिलो त्रैमासमा बैंकको स्प्रेड भने बढेर ४.९९ प्रतिशतबाट ५.०३ प्रतिशत पुगेको छ ।
| Particulars | Global IME Bank Limited ( Rs in ‘000) | ||
| Q1, 2077/2078 | Q1, 2076/2077 | Change | |
| Paid-up Capital | 18975880.00 | 10310515.96 | 84.04% |
| Retained Earnings | 1844725.00 | 2837690.13 | -34.99% |
| Reserves | 9267176.00 | 4013226.52 | 130.92% |
| Profit/(Loss) for the Year | 1058840.00 | 753144.00 | 40.59% |
| EPS (Rs.) | 22.32 | 28.87 | -22.69% |
| Net worth per share (Rs.) | 158.59 | 165.70 | -4.29% |
| Deposit from Customers | 224237507.00 | 212315385.00 | 5.62% |
| Loans & Advances to Customers | 195731201.00 | 189388664.00 | 3.35% |
| Net Interest Income | 2593609.00 | 1564727.00 | 65.75% |
| Net Fee and Commission Income | 447799.00 | 377568.00 | 18.60% |
| Impairment Charge/(Reversal) | 517004.00 | 270874.00 | 90.87% |
| Operating Profit | 1475286.00 | 1042374.00 | 41.53% |
| Distributable Profit/(Loss) after P/L appropriation and Regulatory Adjustments | 226161.00 | 281173.36 | -19.57% |
| Capital Adequacy Ratio (CAR) (%) | 12.50 | 11.87 | 5.31% |
| Non-Performing Loan (NPL) | 1.83 | 0.85 | 115.29% |
| CCD (as per NRB Directive) | 72.52 | 78.36 | -7.45% |
| Cost of Fund (%) | 5.39 | 7.13 | -24.40% |
| Base Rate (%) | 7.25 | 9.44 | -23.20% |
| Qtr End PE Ratio (Rs.) | 12.19 | 10.22 | 19.28% |
| Interest Rate Spread (%) | 5.03 | 4.99 | 0.80% |
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया