सिभिल बैंक (CBL) को खुद नाफा चालु आर्थिक वर्षको पहिलो त्रैमासमा ९ करोड ६६ लाख ७८ हजार रुपैयाँ खुद नाफा आर्जन गरेको वित्तीय विवरण सार्वजनिक गरेको छ ।
गत आवको यसै अवधिमा १५ करोड ८९ लाख ५० हजार रुपैयाँ खुद नाफा गरेको बैंकको नाफा ३९.१८ प्रतिशतले घटेको हो । बैंकको खुद ब्याज आम्दानी र सञ्चालन नाफा दुबै घट्दा खुद नाफा घटेको हो ।
यस अवधिमा बैंकको अधिकांश वित्तीय सूचक घटेका छन् भने वितरणयोग्य नाफा १३ करोड ऋणात्मक बनेको छ । नियामक निकाय नेपाल राष्ट्र बैंकले १८ करोड बढी रेगुलेटरी रिजर्भमा व्यवस्था गर्न लगाउँदा बैंकको वितरणयोग्य नाफा १२ करोड ९९ लाख ७ हजार ऋणात्मक बन्न पुगेको हो । गत आवको यसै अवधिमा भने बैंकको वितरणयोग्य नाफा २ करोड ९८ लाख धनात्मक रहेको थियो ।
चालु आर्थिक वर्षको पहिलो त्रैमासको वित्तीय विवरण अनुसार सिभिलले ६९ अर्ब ४० करोड १८ लाख रुपैयाँ निक्षेप संकलन गरी ५६ अर्ब ९२ करोड ७८ लाख रुपैयाँ कर्जा लगानी गरेको छ ।
सिभिल बैंकले असोज मसान्तसम्ममा ४९ करोड ७६ लाख ७५ हजार रुपैयाँ खुद ब्याज आम्दानी र १३ करोड ८२ लाख ३१ हजार रुपैयाँ सञ्चालन नाफा आर्जन गरेको छ । बैंकको खुद ब्याज आम्दानी १७.४६ र सञ्चालन नाफा ३८.८२ प्रतिशतले घटेको हो ।
चुक्ता पूँजी ८ अर्ब ३३ लाख ९० हजार रुपैयाँ रहेको सिभिलको वार्षिक प्रतिशेयर आम्दानी ४.८३ रुपैयाँमा खुम्चिएको छ । गत आवको यसै अवधिमा बैंकको वार्षिक प्रतिशेयर आम्दानी ७.९६ रुपैयाँ रहेको थियो ।
यस अवधिमा बैंकको जगेडा कोषको आकार ३.७० प्रतिशत बढेर १ अर्ब ६६ करोड १४ लाख ४९ हजार रुपैयाँ पुगेको छ भने शेयरधनी कोष १.२२ प्रतिशत घटेर ६९ करोड २१ लाख ७२ हजारमा सीमित बनेको छ ।
बैंकको खराब कर्जा अनुपात १.५० प्रतिशतमा सुधारिँदा कोषको लागत ७.०६, आधार ब्याजदर ८.८८, पूँजीकोष अनुपात १४.७२, कर्जा निक्षेप अनुपात ६९.२९ र स्प्रेडदर ४.२६ प्रतिशत रहेको छ ।
यस अवधिमा बैंकको प्रतिशेयर नेटवर्थ १२९.४१ रुपैयाँ र मूल्य आम्दानी अनुपात ३३.९४ गुणा छ ।
| Particulars | Civil Bank ( Rs in ‘000) | ||
| Q1, 2077/2078 | Q1, 2076/2077 | Change | |
| Paid-up Capital | 8003390.00 | 8003390.00 | 0.00% |
| Retained Earnings | 692172.00 | 700713.00 | -1.22% |
| Reserves | 1661449.00 | 1602215.00 | 3.70% |
| Profit/(Loss) for the Year | 96678.00 | 158950.00 | -39.18% |
| EPS (Rs.) | 4.83 | 7.96 | -39.32% |
| Net worth per share (Rs.) | 129.41 | 128.77 | 0.50% |
| Deposit from Customers | 69401870.00 | 57512407.00 | 20.67% |
| Loans & Advances to Customers | 56927815.00 | 52224367.00 | 9.01% |
| Net Interest Income | 497675.00 | 602938.00 | -17.46% |
| Net Fee and Commission Income | 80525.00 | 54760.00 | 47.05% |
| Impairment Charge/(Reversal) | 136711.00 | 93424.00 | 46.33% |
| Operating Profit | 138231.00 | 225954.00 | -38.82% |
| Distributable Profit/(Loss) after P/L appropriation and Regulatory Adjustments | -129907.00 | 29842.00 | -535.32% |
| Capital Adequacy Ratio (CAR) (%) | 14.72 | 17.18 | -14.32% |
| Non-Performing Loan (NPL) | 1.50 | 2.93 | -48.81% |
| CCD (as per NRB Directive) | 69.28 | 77.09 | -10.13% |
| Cost of Fund (%) | 7.06 | 8.22 | -14.11% |
| Base Rate (%) | 8.88 | 11.11 | -20.07% |
| Qtr End PE Ratio (Rs.) | 33.94 | 18.00 | 88.56% |
| Interest Rate Spread (%) | 4.26 | 4.64 | -8.19% |
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया