नेपाल बङ्गलादेश बैंकको नाफा घट्यो

नेपाल बङ्गलादेश बैंक लिमिटेड ले चालु आर्थिक वर्षको दोस्रो त्रैमाससम्ममा ८१ करोड ११ लाख रुपैयाँ खुद नाफा आर्जन गरेको छ । गत आवको यसै अवधिमा ९४ करोड १२ लाख नाफा कमाएको बैंकको नाफा १३.८२ प्रतिशतले घटेको हो ।

चुक्ता पूँजी १० अर्ब ८ करोड ५३ लाख ९९ हजार रुपैयाँ रहेको बैंकको नाफा घटेसँगै समीक्षा अवधिमा प्रतिसेयर आम्दानी पनि २२.१६ बाट घटेर १६.०९ रुपैयाँमा संकुचित भएको छ ।

पुस मसान्तसम्ममा बैंकको बैंकको वितरण योग्य मुनाफा ४९ करोड ३२ लाख रुपैयाँ रहेको छ ।

पुस मसान्तसम्ममा बैंकले ८० अर्ब ७१ करोड ९ लाख रुपैयाँ निक्षेप संकलन तथा ७४ अर्ब ९० करोड ९० लाख रुपैयाँ कर्जा लगानी गरी १ अर्ब २७ करोड ३८ लाख रुपैयाँ खुद ब्इाज आम्दानी र १ अर्ब ५ करोड ३३ लाख रुपैयाँ सञ्चालन नाफा आर्जन गरेको छ ।

नबिल बैंकले प्राप्त गर्न लागेको बैंकको खुद ब्याज आम्दानीमा झिनो सुधार आउँदा प्रतिसेयर आम्दानी, नेटवर्थ, जगेडा कोष, निक्षेप, सेयरधनी कोष, सञ्चालन नाफा, पूँजीकोष, र स्पेडदरमा समेत कमी आएको छ ।

समीक्षा अवधिमा बैंकको सञ्चालन मुनाफा २१.३४ प्रतिशत, जगेडा कोष १०.६३ प्रतिशत, निक्षेप ७.३६ प्रतिशतले घटेको छ । चुक्ता पूँजी १२ प्रतिशत, खुद ब्याज आम्दानी २.१८ प्रतिशत,कर्जा लगानी ९.०६ प्रतिशत, शुल्क कमिशन आय १३.७८ प्रतिशतले बढेको छ ।

बैंकको प्रतिसेयर नेटवर्थ १५७.१८ रुपैयाँ, मूल्य आम्दानी अनुपात २४.८ गुणा छ ।  बैंकको खराब कर्जा अनुपात घटेर १.७४ प्रतिशत, कोषको लागत ६.४३, आधार ब्याजदर ८.४७, र कर्जा निक्षेप अनुपात (सीडी रेसियो) ८८.२३ प्रतिशत छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।