बैंकहरुले निक्षेपको ब्याजदर बढाए पनि अल्पकालिन दरहरु घट्ने क्रम जारी

वित्तीय प्रणालीमा सहज तरलताको अवस्था हुँदा पनि आधा दर्जन भन्दा धेरै बैंकहरुले निक्षेपको ब्याजदर बढाए पनि अल्पकालिन ब्याजदर भने निरन्तर घटेको छ । बैंकहरुले निक्षेप जोगाउन भन्दै ब्याजदर बढाउँदा वृद्धि भएको तरलताका कारण अल्पकालिन ब्याजदरमा निरन्तर गिरावट आएको हो ।

बैंकहरुले ब्याजदर बढाई निक्षेप तान्ने खोजे । त्यसका साथै स्थानिय तहको सञ्चितिलाई पनि निक्षेपमा गणना गर्ने माग गरे अनुसार पाए । त्यसले गर्दा वित्तीय प्रणालमिा अधिक तरलता भयो । तर, बैंकहरुमा कर्जाको माग बढ्न सकेन । कर्जा लगानी विस्तार नहुने र ब्याजदर बढाएर समेत लिएको निक्षेपलाई सरकारी ऋणपत्रमा प्रतिस्पर्धामा लगानी गर्नु पर्ने भयो । अधिकतम तरलता ट्रेजरी बिल्सको लगानीमा पनि प्रतिस्पर्धा बढाएपछि डिस्काउन्ट रेट पनि घट्दै आएको हो ।

चालु आर्थिक वर्षको असोज १९ गते निष्काशन भएको २८ दिने ट्रेजरीको डिस्काउन्ट रेट ६ प्रतिशत भन्दा धेरै थियो । त्यसपछि असोज ९ गते निष्कासन भएको सोही अवधिमा ट्रेजरीको औसत डिस्काउन्ट रेट करिब आधाले घटेर ३ प्रतिशतको हाराहारीमा झरेको थियो । डिस्काउन्ट रेट घट्ने क्रम सोमबार पनि कायम रह्यो । सोमबारको ट्रेजरीको डिस्काउनट रेट २ प्रतिशतको हाराहारीमा आएको छ ।

बैंकहरुले स्थानियतहको पैसा र निक्षेपमा ब्याजदर बढाएर अधिक तरलता देखाइ ब्याज आम्दानी गर्न खोजेका थिए । बैंकहरुले निक्षेप संकलन र रिभर्स रिपो मार्फत ब्याज आम्दानी गर्न खोजेका थिए । तर, केन्द्रीय बैंकले बैंकहरुको अधिक तरलतालाई सरकारी ऋणपत्र उठाउन प्रयोग ग्रयो । त्यसले गर्दा बैंकहरु विच प्रतिस्पर्धा बढ्दा सरकारलाई आन्तरिक ऋणको लागत घटेको हो ।

सोमबार सरकारले कुल १८ अर्ब ५ करोड रुपैयाँ बरावरको ट्रेजरी बिलस् नविकरण गरेको छ । त्यस मध्ये २८ दिन अवधिको ५ अर्ब, ९१ दिन अवधिको ७ अर्ब ७५ करोड र १८२ दिन अवधिको ५ अर्ब ३० करोडको रहेको छ । यी तीनै प्रकारका ट्रेजरीको औसत डिस्काउन्ट रेट घटेर नविकरण भएको छन् ।

सोमबार २८ दिने ट्रेजरीको औसत डिस्काउन्ट रेट २.९०२९ प्रतिशत कायम भएको छ । यसभन्दा अघि असोज ९ गते २८ दिने ट्रेजरीको औसत डिसकाउन्ट रेट ३.४४११ प्रतिशत थियो । त्यसैगरी ९१ दिनेको औसत डिस्काउन्ट रेट ५.०५२६ प्रतिशत कायम भएको छ । यासभन्दा अघि असो ९ गते ९१ दिने ट्रेजरीको औसत डिस्काउन्ट रेट ५.३५२३ प्रतिशत थियो । साथै सोमबार १८२ दिने ट्रेजरीको औसत डिस्काउन्ट रेट ५.३४९८ प्रतिशत कायम भएको छ । असोज ९ गते १८२ दिने ट्रेजरीको औसत डिस्काउन्ट रेट ५.३९४३ प्रतिशत रहेको थियो ।

असोज महिना लेगपछि अन्तर बैंक ब्याजदर २ देखि ३ प्रतिशतको विचमा रहेको छ । त्यसैगरी ट्रेजरी बिल्सको डिस्काउन्ट रेट पनि ३ प्रतिशत भन्दा तल आएको छ भने विकास ऋणपत्रको कट अफ रेट ७ प्रतिशतमा स्थिर रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।