एभरेष्ट इन्स्योरेन्सको ५ लाख २९ हजार कित्ता शेयर लिलामीमा

एभरेष्ट इन्स्योरेन्सले हकप्रदमा बिक्री नभएको शेयर लिलामी गर्ने भएको छ । कम्पनीले संस्थापक तथा सधारणगरी ५ लाख २९ हजार ७८० कित्ता शेयर साउन २९ गते देखि लिलामी गर्ने भएको हो ।

कम्पनीले १ लाख ४६ हजार ५७५ कित्ता संस्थापक र ३ लाख ८३ हजार २०५ कित्ता शेयर लिलामीमा राखेको हो। इन्स्योरेन्सले गत जेठ १४ गते देखि असार १६ गतेसम्म हकप्रद शेयरको बिक्री खुला गरेको थियो ।

बोलपत्र पेश गर्दा संस्थापक र सर्वसाधारण दुबैं समुहतर्फको लागि न्युनतम एक सय कित्ता वा त्यस भन्दा बढीको लागि १० अंकले भाग जाने संख्याको लागि आबेदन गर्न सकिनेछ। अधिकत्तम सबै कित्ताको लागि बोलपत्र पेश गर्न सकिन्छ। बोलपत्र पेश गर्ने समय भदौ ८ गतेसम्म रहेको छ ।

कम्पनीको शेयर बिक्री प्रबन्धक सिद्धार्थ क्यापिटल रहेको छ ।