अजोड इन्स्योरेन्सको प्रतिशेयर आम्दानी एक रुपैयाँ ११ पैसा, नाफा बढ्यो

अजोड इन्स्योरेन्सले चालु आर्थिक वर्षको सोहि अवधिमा ७७ लाख ९७ हजार रुपैयाँ नाफा कमाएको छ। जुन गत आर्थिक बर्षको यसै अवधिको तुलनामा ३३ प्रतिशत बढी हो । गत आर्थिक वर्षको पहिलो त्रैमासमा इन्स्योरेन्सले ५८ लाख ७२ हजार नाफा कमाएको थियो ।

कम्पनीले मसान्तसम्म २० करोड ६ लाख रुपैयाँ बीमा शुल्क संकलन गरि ५ करोड ३५ लाख रुपैयाँ दावी भुक्तानी गरेको छ ।

गत आर्थिक वर्षको सोहि अवधिमा कम्पनीको ४ करोड २९ लाख रुपैयाँ बीमा शुल्क आर्जन थियो । भने दावी भुक्तानी हुन बाकी रकम भने ४ करोड ११ लाख रुपैयाँ छ । कम्पनीले असोज मसान्तसम्म २६ हजार ४४३ बीमा लेख जारी गरेको छ ।

हाल कम्पनीको चुक्ता पूँजी ७० करोड रुपैयाँ छ भने १ करोड ८२ लाख रुपैयाँ जगेडा कोषमा रहेको छ । बीमा कोषमा ३ करोड २० लाख राखेको छ ।

कम्पनीको प्रतिशेयर आम्दानी १ रुपैयाँ ११ पैसा, प्रतिशेयर नेटवर्थ १०७ रुपैयाँ ८८ पैसा छ ।अघिल्लोे आर्थिक बर्ष फाइनान्सले आठ प्रतिशत नगद लाभांश मात्र वितरण गरेको थियो ।