राष्ट्र बैंकले नोटमा डिसइन्फेक्टेड स्प्रे गर्ने

नेपाल राष्ट्र बैंकले बैंक तथा वित्तीय संस्थावाट आएका नोटहरुलाई कोरोना संक्रमण रहित बनाउनका लागि डिसइन्फेक्टेड स्प्रे गर्ने भएको छ ।

बैंक वित्तीय संस्थावाट केन्द्रीय बैंकले नगद दखिला बुझिलिने सम्बन्धमा शिलबन्दी बाक्सा नै बुझ्ने केहि दिन पछि भाइरस रहित स्प्रे गरेर गणना गरि बुझिलिने व्यवस्था गरेको हो ।

केही समय अघि नोटवाट पनि कोरोना संक्रमण फैलनसक्ने भन्दै उच्च स्तरीय समितिले समेत नोटलाई भाइरस रहित बनाउन सुझाव दिएको थियो । राष्ट्र बैंकले सोमबार कोरोना भाइरसको संक्रमण हुन नदिइ सेवा प्रदान गर्ने सम्बन्धमा कर्मचारीहरुलाइ मार्गदर्शन नै बनाएर लागु गरेको छ ।

सो मार्गदर्शन अनुसार न्यूनतम समाजिक दुरी कायम गर्ने, ह्याण्ड सेनिटाइजको प्रयोग, मास्क, पन्जा, १००.४ भन्दा तल कर्मचारीको सरीरको तापक्रम हुनुपर्ने लगायतका व्यवस्था अनिवर्या गरेर विभाग, शाखा तथा इकाइले कुल कर्मचारीको एक तिहाइले आलोपालो पद्धतीमा कार्यालय उपस्थित भएर सेवा प्रदान गर्ने व्यवस्था गरेको छ ।

यसरी अहिलेको संकटको समयमा पनि बैंकिङ कार्यालय, मुद्रा व्यवस्थापन विभाग तथा प्रदेशिक कार्यालयहरुवाट गरीने फण्ड ट्रान्सफर, सरकारी कारोबार, चेक भुक्तानी तथा नगद जम्मा गर्ने कार्यलाइ निरन्तरता दिने व्यवस्था गरेको छ ।

कार्यालयमा उपस्थित कर्मचारीले मास्क, पन्जा प्रयोग गरे नगरेको तथा सामाजिक दुरी कायम गगरेर नगरेको सन्दर्भमा अनुगमन गर्ने व्यवस्था समेत मार्गदर्शनले गरेको छ ।

त्यसैगरी एक शाखा, विभाग तथा इकाइका लागि पास लिएर गएको सेवाग्राहीले अन्य विभाग, शाखा तथा इकाइमा प्रबेश पाउने छैनन् । त्यसका साथै आफुहरुले सेवा प्रदान गर्ने क्रममा आएका सेवाग्राहीको विस्तृत जानकारी टिपेर राख्नु पर्ने व्यवस्था समेत मार्गदर्शनले गरेको छ ।

त्यसका साथै कार्यालयमा प्रयोग भएको कम्प्यूटर, टेवल, किबोर्ड, टेलिफोन लगायतका कर्मचारी तथा सेवाग्राहीको प्रत्यक्ष सम्पर्कमा रहने समान तथा स्थानहरुमा समेत डिस इन्फेक्टेड स्प्रे देखिन रुपमा गर्ने समेत मार्गदर्शमा उल्लेख छ ।

कोरोना भाइरसको संक्रमण वढ्दो क्रममा रहेको हुनाले अत्यावश्यकीय सेवा प्रदान गर्नकालागि सुरक्षीत तबरवाट सेवा प्रदान गर्नका लागि केन्द्रीय बैंकले आफ्ना कर्मचारकिा लागि यस्तो मार्गदर्श लागु गरेको हो । त्यसका साथै बर्क फ्रम होमलाई स्विकृती दिने तथा प्रबाविधको प्रयोग उच्च गरेर सेवा प्रबाहलाइ निरन्तरता दिने मार्गदर्शनमा उल्लेख छ ।