चिलिमे जलविद्युत कम्पनी (CHCL) ले गत आर्थिक वर्ष २०७६/०७७ को चौथो त्रैमासमा ७४ करोड ८० लाख रुपैयाँ खुद नाफा कमाएको छ । कोरोना संक्रमण नियन्त्रणका लागि गरिएको लकडाउनले विद्युत बिक्रीमा गिरावट आउँदा पनि चिलिमेले खुद नाफा १८ लाख ५१ हजार रुपैयाँले बढाएको हो । अघिल्लो आर्थिक वर्ष २०७५/७६ को असार मसान्तमा चिलिमेले ७४ करोड ६२ लाख रुपैयाँ खुद नाफा कमाएको थियो ।
गत आर्थिक वर्षको चौथो त्रैमासमास चिलिमेले विद्युत बिक्रीबाट १ अर्ब १४ करोड ७ लाख रुपैयाँ आम्दानी गरेको छ।
अघिल्लो आर्थिक वर्षको यसै अवधिमा चिलिमेले १ अर्ब १७ करोड ४ लाख रुपैयाँको विद्युत बिक्री गरेको थियो । समीक्षा अवधिमा चिलिमेको विद्युत बिक्रीबाट हुने आम्दानी २ करोड ९६ लाख रुपैयाँले घटेको हो ।
कोरोना भाइरस नियन्त्रणका लागि सरकारले गरेको लकडाउनका कारण नेपाल विद्युत प्राधिकरणले कन्ट्रयाक्ट ईनर्जीभन्दा बढी विद्युत खरिद नगरेका कारण विद्युत बिक्रीमा गिरावट आएको चिलिमेको वित्तीय विबरणमा उल्लेख छ । यद्यपी विद्युत बिक्री आम्दानी घटेको अवस्थामा वित्तीय आम्दानी र अन्य आम्दानीमा सुधार गर्दै चिलिमेले खुद नाफा बढाएको हो ।
चिलिमेले अघिल्लो आर्थिक वर्षको असार मसान्तमा १२ करोड २ लाख वित्तीय आम्दानी गरेकोमा गत असारमा ३ करोड २२ लाख रुपैयाँले बढाएर १५ करोड २५ लाख रुपैयाँ पुर्याएको छ । त्यसैगरी अन्य आम्दानीमा पनि सामान्य सुधार देखिएको छ ।
पूँजी वृद्धिको अनुपातमा चिलिमेको खुद नाफा वृद्धि हुन नसक्दा प्रतिशेयर आम्दानीमा संकुचन आएको छ। अघिल्लो आर्थिक वर्षमा चिलिमेले शेयरधनीलाई २० प्रतिशत बोनस बितरण गरेर चुक्ता पूँजी ५ अर्ब ७० करोड ९७ लाख रुपैयाँ पुर्याएको थियो ।
| Particulars | Chilime Hydropower (Rs in 000) | ||
| Q4 2076/77 | Q4 2075/76 | Difference | |
| Paid Up Capital | 5,709,763.00 | 4,758,136.00 | 20.00% |
| Retained Earnings | 4,296,295.00 | 4,542,887.00 | -5.43% |
| Investment in associates | 5,952,862.00 | 5,930,674.00 | 0.37% |
| Investment in Term Deposits | 2,012,690.00 | 1,251,160.00 | 60.87% |
| Sale of Electricity | 1,140,739.00 | 1,170,432.00 | -2.54% |
| Finance Income | 152,532.00 | 120,277.00 | 26.82% |
| Hydro Electric Plant Operating Expences. | 76,279.00 | 87,514.00 | -12.84% |
| Royalty | 136,174.00 | 124,938.00 | 8.99% |
| Operating Profit | 805,306.00 | 833,622.00 | -3.40% |
| Net Profit | 748,059.00 | 746,208.00 | 0.25% |
| EPS (In Rs.) | 13.10 | 15.68 | -16.46% |
| Net Worth per Share (In Rs.) | 175.24 | 195.48 | -10.35% |
| Qtr End P/E Ratio | 30.38 | 33.22 | -8.55% |
चुक्ता पूँजी र नाफा वृद्धिको अनुपात नमिलेका कारण समीक्षा अवधिमा चिलिमेको प्रतिशेयर आम्दानी १५ रुपैयाँ ८६ पैसाबाट घटेर १३ रुपैयाँ १० पैसा कायम भएको छ ।
प्रतिशेयर नेटवर्थ १७५ रुपैयाँ रहेको चिलिमेको जगेडा कोषमा ४ अर्ब २९ करोड ६२ लाख रुपैयाँ सञ्चित छ । अघिल्लो आर्थिक वर्षको चौथो त्रैमासमा चिलिमेको जगेडा कोषमा ४ अर्ब ५४ करोड २८ लाख रुपैयाँ सञ्चित थियो । समीक्षा अवधिमा चिलिमेको जगेडा कोषको आकार २४ करोड ६६ लाख रुपैयाँले घटेको हो ।
मूल्य आम्दानी अनुपात ३०.३८ गुणा बढी रहेको चिलिमेको गत आर्थिक वर्षमा कुल १६९ दिनमा ८ हजार ८२३ पटक शेयर कारोबार हुँदा ३३० रुपैंयादेखि ५२७ रुपैयाँसम्ममा शेयर किनबेच भएको छ ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया