सनराइज बैंक (SRBL) ले गत आर्थिक वर्ष २०७६/७७ मा करिब ३० प्रतिशतले फि तथा कमिशन आम्दानी बढाएको भएपनि खुद नाफा भने घटेको छ । गत आर्थिक वर्षमा बैंकको ब्याज र फि एण्ड कमिसन आम्दानी वढेको भएपनि खर्च बढेका कारण नाफा १८ प्रतिशतले घटेको हो ।
बैंकले गत आर्थिक वर्षको अन्तिम त्रैमासमा कोरोना भाइरसका कारण व्यवसाय विस्तार गर्न नसक्नु तथा विगतको व्यवसायमा समेत छुट दिनुपर्ने अवस्था आएपछि नाफा घटेको हो । बैंकले सो अवधिमा कर्जाको ब्याज छुट देखि कर्जाको पुनरतालिकीकरण तथा पुनसंरचनाले पनि आम्दनीमा असर गरेको देखिन्छ ।
गत आर्थिक वर्षमा बैंकले १ अर्ब ३९ करोड २८ लाख रुपैयाँ खुद नाफा गरेको छ । यो नाफा अघिल्लो आर्थिक वर्षको नाफाको तुलनामा १८.७५ प्रतिशतले थोरै हो । अघिल्लो आर्थिक वर्षमा बैंकले १ अर्ब ७० करोड ६१ लाख रुपैयाँ खुद नाफा गरेको थियो । चालु आर्थिक वर्षको चौथो त्रैमासमा मात्रै बैंकले ४५ करोड ७५ लाख रुपैयाँ मात्र खुद नाफा गरेको छ ।
गत आर्थिक वर्षमा बैंकले खुद ब्याज आम्दानी ३ अर्ब ८७ करोड ८० लाख रुपैयाँ खुद ब्याज आम्दानी गरेको छ । बैंकको यो खुद ब्याज आम्दानी अघिल्लो आर्थिक वर्षको तुलनामा ८.१७ प्रतिशतले मात्र धेरै हो । अघिल्लो आर्थिक वर्षमा बैंकले ३ अर्ब ५८ करोड ४९ लाख रुपैयाँ खुद ब्याज आम्दानी गरेको थियो ।
तर, गत आर्थिक वर्षमा बैंकको फि एण्ड कमिसनबाट हुने आम्दानीमा भने उल्लेख्य सुधार आएको छ । सो शीर्षकमा बैंकले ८५ करोड ९७ लाख रुपैयाँ खुद फि एण्ड कमिशन आम्दानी गरेको छ । यो आम्दानी अघिल्लो आवको तुलनामा २९.२८ प्रतिशतले धेरै हो । अघिल्लो आर्थिक वर्षमा बैंकले ६६ करोड २० लाख रुपैयाँ मात्र फि एण्ड कमिसन आम्दानी गरेको थियो ।
गत आर्थिक वर्षमा बैंकको सञ्चालन खर्च तथा कर्मचारी खर्च केही बढ्न गएको छ । बैंकले शाखा विस्तार गरेको हुनाले पनि सञ्चालन तथा कर्मचारी खर्च बढ्न गएको हो ।
| Particulars | Sunrise Bank Limited ( Rs in’000) | ||
| Q4 2076/77 | Q4 2075/76 | Difference % | |
| Paid Up Capital | 8,967,811 | 8,152,556 | 10.00% |
| Reserves | 3,469,796 | 2,815,184 | 23.25% |
| Retained Earnings | 1,091,293 | 1,175,249 | -7.14% |
| Profit/(Loss) for the Year | 1,392,878 | 1,706,102 | -18.36% |
| EPS (In Rs.) | 15.53 | 20.94 | -25.84% |
| Net Worth per Share (In Rs.) | 150.86 | 151.47 | -0.40% |
| Deposits from Customers | 90,223,272 | 75,432,151 | 19.61% |
| Loans & Advances to Customers | 81,040,373 | 68,865,810 | 17.68% |
| Net Interest Income | 3,878,098 | 3,584,995 | 8.18% |
| Impairment Charge/(Reversal) | 837,206 | 103,524 | 708.71% |
| Operating Profit | 1,971,827 | 2,550,627 | -22.69% |
| Distributable Profit/ (Loss) after P/L Appropriation and Regulatory Adjustments | 529,122 | 1,117,741 | -52.66% |
| Capital Adequacy Ratio (CAR) % | 14.6 | 13.22 | 10.44% |
| NPL % | 1.86 | 1.03 | 80.58% |
| CCD (as per NRB Directives) % | 71.3 | 75.57 | -5.65% |
| Cost of Fund (%) | 6.55 | 7.33 | -10.64% |
| Base Rate (%) | 8.95 | 10.32 | -13.28% |
| Qtr End PE Ratio (times) | 15.07 | 11.84 | 27.28% |
बैंकले गत आवमा ९० अर्ब २२ करोड रुपैयाँ निक्षेप संकलन गरेको छ । अघिल्लो आवमा बैंकले ७५ अर्ब ४३ करोड करोड रुपैयाँ निक्षेप संकलन गरेको थियो । बैंकले गत आवमा ८१ अर्ब ४ करोड रुपैयाँ कर्जा प्रवाह गरेको छ । अघिल्लो आर्थिक वर्षमा बैंकले ६८ अर्ब ८६ करोड रुपैयाँ कर्जा प्रवाह गरेको थियो ।
बैंकको गत आवको वितरणयोग्य नाफा ५२ करोड ९१ लाख रुपैयाँ गरेको छ । हाल चुक्ता पूँजी ८ अर्ब ९६ करोड रहेको बैंकको वार्षिक प्रतिशेयर आम्दानी २०.९४ रुपैयाँबाट घटेर १५.५३ रुपैयाँ रहेको छ। बैंकको सञ्चित कोषमा ३ अर्ब ४६ करोड ९७ लाख रुपैयाँ रहेको छ ।
गत आवको अन्त्यसम्म खराब कर्जा अनुपात १.८६ प्रतिशत रहेकोे बैंकको कर्जा निक्षेप अनुपात ७१.३० प्रतिशत रहेको छ । बैंकको आधार ब्याजदर ८.९५ प्रतिशत रहेको बैंकको कर्जा निक्षेप व्याज अन्तर (स्प्रेडदर) ४.३७ प्रतिशत रहेको छ । मूल्य आम्दानी अनुपात १५.०७ प्रतिशत रहेको छ ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया