प्राइम कमर्सियल बैंक (PCBL) को खुद नाफा गत आर्थिक वर्ष २०७६/०७७ मा करिब १० करोड रुपैयाँ अर्थात ४ प्रतिशतले बढेको छ । तर, बैंकले कैलाश विकास बैंकलाई प्राप्ती गरेपछि ५० प्रतिशतले बढेको चुक्ता पूँजीको आधारमा खुद नाफा बढ्न नसक्दा बैंकको प्रतिशेयर आम्दनीमा भने उच्च गिरावट आएको छ ।
कोरोना कहरका बावजुत पनि बैंकको कार्यसम्पादन अन्य बैंकहरुको तुलनामा उत्साहजनक रहेको छ। गत आर्थिक वर्षमा बैंकले २ अर्ब २९ करोड २८ लाख रुपैयाँ खुद नाफा गरेको छ । बैंकको यो नाफा अघिल्लो आवको तुलनामा ४.२८ प्रतिशतले धेरै हो। अघिल्लो आर्थिक वर्षमा बैंकले २ अर्ब १९ करोड ८७ लाख रुपैयाँ खुद नाफा गरेको थियो ।
गत आर्थिक वर्षमा बैंकले जोखिम ब्यवस्थाका लागि करिब ५ गुणा धेरै रकम छुट्टाएको छ। गत आवमा बैंकले ७८ करोड २९ लाख रुपैयाँ जोखिम व्यवस्था वापत छुट्याएको छ । अघिल्लो आवमा बैंकले १३ करोड ५३ लाख रुपैयाँ सो शीर्षकमा छुट्याएको थियो।
गत आर्थिक वर्षमा बैंकले १ अर्ब १९ अर्ब ४४ लाख रुपैयाँ निक्षेप संकलन गरेको छ भने १ खर्ब १० अर्ब रुपैयाँ कर्जा प्रवाह गरेको छ । समीक्षा अवधिमा ५० प्रतिशत धेरैले निक्षेप तथा कर्जा लगानी वृद्धि गरेको बैंकको खुद ब्याज आम्दानी १ अर्ब ३ करोड ३२ लाख रुपैयाँले बढेको छ।
बैंकले गत आवमा ४ अर्ब ६१ करोड ७८ लाख खुद ब्याज आम्दानी गरेको छ । यो ब्याज आम्दानी अघिल्लो आर्थिक वर्षको तुलनामा २८.८२ प्रतिशतले धेरै हो । बैंकले अघिल्लो आर्थिक वर्षमा ३ अर्ब ५८ करोड रुपैयाँ खुद ब्याज आम्दानी गरेको थियो । गत आवमा बैंकको खुद फि तथा कमिसन आम्दानी पनि १७.६९ प्रतिशतले बढेको छ ।
हाल चुक्ता पूँजी १३ अर्ब ९८ करोड ५२ लाख ३९ हजार रुपैयाँ रहेको बैंकको प्रतिशेयर आम्दानी १६.३९ रुपैयाँ छ। बैंकको सञ्चित कोषको आकार ९१ प्रतिशतले बढेर ४ अर्ब ७९ करोड रुपैयाँ पुगेको छ भने गत आवमा बैंकको प्रतिशेयर नेटवर्थ १४६.९१ रुपैयाँ कायम भएको छ। बैंकको मूल्य आम्दानी अनुपात १५.५५ गुणा छ ।
| Particulars | Prime Commercial Bank Limited ( Rs in ‘000) | ||
| Q4, 2076/2077 | Q4,2075/2076 | Difference | |
| Paid-up Capital | 13,985,249.50 | 9,318,626.70 | 50.08% |
| Retained Earnings | 1,764,348.42 | 1,575,645.63 | 11.98% |
| Reserves | 4,795,693.61 | 2,509,716.96 | 91.09% |
| Profit/(Loss) for the Year | 2,292,802.57 | 2,198,792.24 | 4.28% |
| EPS (Rs.) | 16.39 | 23.59 | -30.52% |
| Net worth per share (Rs.) | 146.91 | 143.84 | 2.13% |
| Deposit from Customers | 119,441,613.62 | 77,040,074.37 | 55.04% |
| Loans & Advances to Customers | 110,454,295.53 | 72,545,401.63 | 52.26% |
| Net Interest Income | 4,617,810.77 | 3,584,607.18 | 28.82% |
| Fee and Commission Income | 902,550.79 | 766,872.08 | 17.69% |
| Impairment Charge/(Reversal) | 782,960.20 | 135,339.95 | 478.51% |
| Operating Profit | 3,270,233.19 | 3,149,515.70 | 3.83% |
| Distributable Profit/(Loss) after P/L appropriation and Regulatory Adjustments | 1615719 | 1600773 | 0.01% |
| Capital Adequacy Ratio (CAR) (%) | 13.4 | 12.76 | 5.02% |
| Non-Performing Loan (NPL) | 1.54 | 1 | 54.00% |
| CCD (as per NRB Directive) | 74.54 | 77.03 | -3.23% |
| Cost of Fund (%) | 7.14 | 7.9 | -9.62% |
| Base Rate (%) | 8.62 | 10.03 | -14.06% |
| Qtr End PE Ratio (Rs.) | 15.55 | 10.95 | 42.01% |
बैंकको खराब कर्जा अनुपात भने १.५४ प्रतिशत रहेको छ। गत आवमा बैंकको कष्ट अफ फण्ड ७.१४ प्रतिशत, आधार दर ८.६२ प्रतिशत र स्प्रेडदर ४.२२ प्रतिशत रहेको छ ।
गत आर्थिक वर्षमा नै कन्काई र कैलाश विकास बैंकलाई प्राप्ती गरेपछि प्राइम कमर्सियल बैंक सशक्त रुपमा अगाडि बढ्दै आएको छ। कन्काई विकास बैंकलाई २०७६ भदौ २८ गते र कैलाश विकास बैंकलाई फागुन २८ गते प्राप्ती गरेर बैंकले एकीकृत कारोबार थालेको थियो।
खुद नाफासँगै बैंकको वितरण योग्य मुनाफा पनि बढेको छ। गत आवमा बैंकको वितरणयोग्य नाफा १ करोड ५० लाख रुपैयाँ वृद्धि भई १ अर्ब ६१ करोड ५७ लाख रुपैयाँ पुगेको छ। यसबाट बैंकले आफ्ना शेयरधनीलाई ११.५० प्रतिशत लाभांश वितरण गर्नसक्ने क्ष्मता राख्दछ।
समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया