बुधबार पनि बढ्यो सुनको भाउ, कतिमा हुँदैछ कारोबार ?

बुधबार पनि सुनको भाउ बढेको छ । मंगलबारको तुलनामा आज सुन तोलामा ९०० रुपैयाँले वृद्धि भएको हो ।

यससँगै नेपाल सुनचाँदी व्यवसायी महासंघले आजका लागि छापावाला सुनको भाउ प्रतितोला ९६ हजार ३०० रुपैयाँ र तेजाबी सुन प्रतितोला ९५ हजार ८०० रुपैयाँ तोकेको छ । आज चाँदीको भाउ प्रतितोला एक हजार २०५ रुपैयाँ निर्धारण गरिएको महासंघले जनाएको छ ।

अघिल्लो दिन मंगलबार पनि सुनको भाउ तोलामा ४०० रुपैयाँले बढेर प्रतितोला ९५ हजार ४०० रुपैयाँमा कारोबार भएको थियो । मंगलबार चाँदीको भाउ पाँच रुपैयाँले बढेर तोलाको एक हजार २१० रुपैयाँमा कारोबार भएकोमा बुधबार पुन सोमबारको भाउमा झरेको हो ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।