बिहीबार पनि नेप्से घट्यो, प्राइम बैंकको उच्च कारोबार

साताको अन्तिम कारोबार दिन बिहीबार पनि नेप्से सूचक घटेको छ ।

नेप्से परिसूचक ४.४७ अंकले घटेर १ हजार ६३६ दशमलव १७ अंकमा अडिएको छ । ठूला कम्पनीहरुको सूचक मापक सेन्सेटिभ इन्डेक्स २.१४ अंकले घटेर ३२४ दशमलव ३६ अंकमा झरेको छ ।

नेपाल स्टक एक्सचेञ्जका अनुसार बिहीबार कूल २०० कम्पनीको ९१ लाख २३ हजार ८९६ कित्ता शेयर खरीद बिक्री हुँदा कारोबार रकम २ अर्ब ८४ करोड २४ लाख ६९ हजार १७७ रुपैयाँको कारोबार भएको छ ।

स्टकका अनुसार बिहीबार कारोबार भएका कूल १२ उपसमूहमध्ये ४ वटा उपसमूहको शेयर बढेको छ भने बाँकी ८ वटा उपसमूहको शेयर घटेका छन् । जलविद्युत्त, विकास बैंक, होटल र जीबन बीमा बाहेक बाँकी सबै उपसमूहका सूचक घटेका हुन् ।

• प्राइम बैंकको उच्च कारोबार

चालु आवको प्रथम त्रैमासको वित्तीय विवरण सार्वजनिक गरेको बैंकको नाफामा आकर्षक सुधार गरेपछि बिहीबार उच्च कारोबार भएको छ । बैंकको आज २० करोड ८४ लाख ६० हजार रुपैयाँको कारोबार भएको हो ।

यसैगरी अरुण काबेली पावरको १८ करोड ५४ लाख, एभरेष्ट बैंकको १६ करोड ४५ लाख, अपि पावरको १४ करोड ३४ लाख, हिमालयन डिष्टिलरीको पनि १० करोड बढीको शेयर खरीद बिक्री भएको छ ।

अरुण भ्याली हाइड्रोपावरको ७ करोड ६१ लाख, प्रभु बैंकको ७ करोड ३७ लाख, एनआईडिसीएलको ७ करोड २६ लाख, नेपाल रि इन्स्योरेन्सको ६ करोड ९७ लाख, र एनआईसी एशिया बैंकको ५ करोड ३६ लाखको कारोबार भएको छ ।

• सानिमा जनरल इन्स्योरेन्स सहित ४ कम्पनीको शेयरमूल्यमा सर्किट ब्रेक

बिहीबार सानिमा जनरल इन्स्योरेन्स कम्पनी सहित चार कम्पनीको शेयरमूल्यमा सकारात्मक सर्किट लागेको छ । इन्स्योरेन्स कम्पनीको शेयर प्रतिकित्ता ३४ रुपैयाँ अर्थात ९.९४ प्रतिशतले बढेर ३७६ मा पुगेको छ । यसैगरी रैराङ हाइड्रोपावर, गुहेश्वरी मर्चेन्ट बैंकिङ्ग, र सिन्धु विकास बैंकको शेयरमूल्य पनि झण्डै १० प्रतिशतले बढेको छ ।

यसैगरी घलेम्दी हाइड्रोपावर, अपि पावर, अरुण काबेली पावर, र युनाइटेड मोदी हाइड्रोपावरको शेयरमूल्य ५ प्रतिशत धेरैले बढेको छ । नेपाल ल्यूब आयल र हिमालय उर्जा विकास कम्पनीको शेयरमूल्य पनि बढेको छ ।

• बिशाल बजार कम्पनीको शेयरमूल्य साढे ८ प्रतिशतले घट्यो

आजको कारोबारमा बिशाल बजार कम्पनीको शेयरमा लगानी गरेका लगानीकर्ताले सबैभन्दा धेरै साढे ८ प्रतिशत अर्थात प्रतिकित्ता २१९ रुपैयाँले घटेको छ ।

यसैगरी शिवश्री हाइड्रोपावरको शेयरमा लगानी गरेका लगानीकर्ताले ७.८८ प्रतिशत र एभरेष्ट बैंकको शेयरधनीले पनि ५.८६ प्रतिशतले गुमाएका छन् ।

यसैगरी नेपाल इस्योरेन्सको संस्थापक, सूर्या लाइफको संस्थापक, नाडेप लघुवित्त, समीट माइक्रोफाइनान्स, नेरुडे लघुवित्त, सारथी नेपाल र बेष्ट फाइनान्सको शेयरमूल्य पनि घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।