प्रभु लाइफ इन्स्योरेन्सको ६० लाख कित्ता आईपीओ आउँदै

प्रभु लाइफ इन्स्योरेन्स कम्पनीको ६० करोड रुपैयाँ बराबरको ६० लाख कित्ता बराबरको आईपीओ निष्काशन आउने भएको छ ।

कम्पनीले शेयर जारी गर्न असोज १४ गते नियामक निकाय धितोपत्र बोर्डमा निवेदन दिएको हो । यससँगै धितोपत्र बोर्डबाट आवश्यक प्रक्रिया पूरा भई शेयर जारी गर्न स्वीकृति पाएपछि कम्पनीले मिति तोकेर सार्वजनिक निष्काशन गर्नेछ ।

हाल कम्पनीको चुक्ता पूँजी १ अर्ब ४० करोड रुपैयाँ रहेको छ । ६० लाख कित्ता आईपीओ निष्काशन गरी बाँडफाँडपछि कम्पनीको चुक्ता पूँजी २ अर्ब रुपैयाँ पुग्नेछ । बीमा समितिले जीबन बीमा कम्पनीहरुलाई न्यूनतम २ अर्ब रुपैयाँ चुक्ता पूँजी कायम गर्न यसअघि नै निर्देशन दिइसकेको छ ।

कम्पनीको धितोपत्र निष्काशन तथा बिक्री प्रबन्धक सिद्धार्थ क्यापिटल नियुक्त भएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।