सुनको मूल्य सोमबार पनि ओरालो

सुनको मूल्य सोमबार पनि ओरालो लागेको छ । यसअघि निरन्तर चार दिन वृद्धि हुँदै आएको सुन आइतबारपछि सोमबार पनि घटेको हो। आइतबार प्रतितोला २०० रुपैयाँले घटेको सुन सोमबार थप १०० रुपैयाँले घटेको छ ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला ९२ हजार ६०० रुपैयाँ, तेजावी सुन प्रतितोला ९२ हजार १५० रुपैयाँ र चाँदीको भाउ चाँदी प्रतितोला १ हजार २०५ रुपैयाँ तोकिएको छ ।

हिजो आइतबार छापावाला सुन प्रतितोला ९२ हजार ७०० रुपैयाँ, तेजावी सुन प्रतितोला ९२ हजार २५० रुपैयाँ र चाँदीको भाउ चाँदी प्रतितोला १ हजार २१० रुपैयाँमा कारोबार भएको थियो ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।