सूचीकृत १८ मध्ये १३ निर्जीवन बीमा कम्पनीले घोषणा गरे लाभांश, कुनको कति ?

✍️ नोटबजार संवाददाता।
काठमाण्डौं।
२६जेष्ठ, २०७८, बुधबार / Jun 09, 2021 12:16:pm

नेपाल स्टक एक्सचेञ्ज (नेप्से) मा सूचीकृत १८ निर्जीवन बीमा कम्पनीहरुमध्ये गत आर्थिक वर्ष २०७६/७७ को मुनाफाबाट १३ कम्पनीले लाभांश प्रस्ताव गरेका छन् । २ कम्पनीहरु युनाईटेड इन्स्योरेन्स, राष्ट्रिय बीमा कम्पनीको लाभांश घोषणा हुन बाँकी छ ।

नेप्सेमा सूचीकृत १८ निर्जीवन बीमा कम्पनीहरुमध्ये शिखर, प्रिमियर, प्रभु, नेपाल इन्स्योरेन्स, एभरेष्ट, प्रुडेन्सियल, आइएमई जनरल, हिमालयन जनरल, नेको, सगरमाथा, एनएलजी, सिद्धार्थ र लुम्बिनी जनरल इन्स्योरेन्सले लाभांश घोषणा गरेका छन् ।

युनाईटेड इन्स्योरेन्स, राष्ट्रिय बीमा कम्पनी, सानिमा जनरल कम्पनीको लाभांश घोषणा हुन बाँकी रहेको हो । जनरल इन्स्योरेन्सले बिना लाभांश बैशाख २६ गते तेस्रो वार्षिक साधारण सभा आह्वान गरेपनि कोभिड संक्रमणका कारण जारी निषेधाज्ञाले सभा स्थगन गरेको छ । 

लाभांश घोषणा गरेकामध्ये शिखरले सबैभन्दा धेरै २९.२३ प्रतिशत (२७.७७ प्रतिशत बोनस र १.४६ प्रतिशत) नगद लाभांश वितरण गरेको छ । शिखर इन्स्योरेन्सको बोनस शेयर जेठ ११ गते नेप्सेका सूचीकृत समेत भैसकेको छ ।

लाभांश घोषणा गरेका कम्पनीमध्ये हिमालयन जनरलले सबैभन्दा कम ६.७५ प्रतिशत (३ प्रतिशत बोनस र ३.७५ प्रतिशत नगद) लाभांश वितरण गर्ने प्रस्ताव गरेको छ ।सगरमाथा, प्रिमियर, प्रभु, एनएलजी, नेपाल इन्स्योरेन्स, लुम्बिनी जनरल इन्स्योरेन्सले पनि १० प्रतिशत भन्दा बढी लाभांश दिने प्रस्ताव गरेका छन् ।

नेको इन्स्योरेन्सले १५.५ प्रतिशत बोनस र ०.८२ प्रतिशत नगद गरी १५.३२ प्रतिशत र सिद्धार्थ इन्स्योरेन्सले पनि १२ प्रतिशत बोनस र ३.७८ प्रतिशत नगद गरी १५.७८ प्रतिशत लाभांश घोषणा गरेका छन् ।

जनरल इन्स्योरेन्सले बैशाख २६ गते र सानिमा जनरलले जेठ ११ गते बिना लाभांश तेस्रो वार्षिक साधारण सभा आह्वान गरेपनि कोभिड संक्रमणका कारण जारी निषेधाज्ञाले दुबैको सभा स्थगन भएको छ । दुबै कम्पनीले गत आवको नाफाबाट शेयरधनीलाई लाभांश वितरण गर्न सकेनन् ।

S.N.Sector- Non Life InsuranceBonusCashTotalBookcloseAGM
1Shikhar Insurance Co. Ltd.22.771.4629.23Falgun,26 WednesdayChaitra,9 Monday
2Neco Insurance Co. Ltd.15.500.8216.32  
3Siddhartha Insurance Ltd.12.003.7815.75Jestha 14 FridayJestha 28 friday
4Sagarmatha Insurance Co. Ltd.11.000.5811.58  
5Premier Insurance Co. Ltd.0.0011.0511.05Chaitra, 11 Wednesdaychaitra 23, Monday 
6NLG Insurance Company 10.000.5310.53  
7Prabhu Insurance Ltd.10.000.5310.53Baishakh 26, SuundayJestha 6, Thusday
8Lumbini General Insurance5.005.0010.00Jestha 14  FridayJestha 28 Friday
9Nepal Insurance 8.002.0010.00Chaitra 17  TuesdayChaitra 27 Friday
10Everest Insurance Co. Ltd.8.000.428.42Baishakh 29 weddnesdayJestha 10 Monday
11Prudential Insurance Co. Ltd.8.000.428.42Baishkh 1 wednesday-jestha 2Jestha 2, Sunday
12IME General Insurance Ltd.7.000.377.37Baishakha 2 ThusdayBaishakha 12 Sunday
13Himalayan General Insurance3.003.756.75Jestha 13 ThusdayJestha 28 Friday
14General Insurance Company Nepal Limited0.000.000.00Baisak 1, Wednesday 
15Sanima General Insurance Company Limited0.000.000.00Baisak 29, Wednesday 
16United Insurance Co. (Nepal) Ltd.     
17Ajod Insurance Company Limited     
18Rastriya Beema Company Limited     

अजोड, शिखर इन्स्योरेन्स, प्रिमियर इन्स्योरेन्स, नेपाल इन्स्योरेन्स, आइएमई जनरल इन्स्योरेन्स कम्पनी, प्रभु इन्स्योरेन्स कम्पनी, एभरेष्ट इन्स्योरेन्स कम्पनीको साधारण सभा सम्पन्न भईसकेको छ ।

हिमालयन, सिद्धार्थ, लुम्बिनी जनरल इन्स्योरेन्सले लाभांश प्रस्ताव गरेपनि साधारण सभा हुन बाँकी छ । तीनवटै कम्पनीले जेठ २८ गते शुक्रबार साधारण सभा बोलाएका छन् ।

गत आर्थिक वर्ष २०७६/७७ को कमाइबाट युनाईटेड इन्स्योरेन्स, राष्ट्रिय बीमा कम्पनी इन्स्योरेन्स कम्पनीले भने अझै लाभांश घोषणा गर्ने वा नगर्ने तय गर्न बाँकी छ ।

📣 समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।


Share on:


Comments