प्रिमियर इन्स्योरेन्सको १९ करोडको लाभांश पारित

प्रिमियर इन्स्योरेन्स लिमिटेड (PIC) ले गत आर्थिक वर्षको नाफाबाट शेयरधनीलाई वितरण गर्न प्रस्ताव गरेको १९ करोड २३ लाख ३१ हजार ८८० रुपैयाँ लाभांश पारित गरेको छ ।

चैत २३ गते सोमबार सम्पन्न भएको कम्पनीको २७ औं वार्षिक साधारण सभाले आर्थिक वर्ष २०७६/७७ को नाफाबाट चुक्ता पूँजीको ११.०५ प्रतिशतका दरले हुन आउने १९ करोड २३ लाख ३१ हजार ८८० रुपैयाँ नगद लाभांश पारित गरेको हो ।

इन्स्योरेन्स सञ्चालक समितिको पुस २७ गते सोमबार सम्पन्न सञ्चालक समितको बैठकले आर्थिक वर्ष २०७६/७७ को नाफाबाट चुक्ता पूँजीको ११.०५ प्रतिशतका दरले नगद लाभांश वितरण गर्ने प्रस्ताव गरेको थियो ।

सभालाई सम्बोधन गर्दै सञ्चालक समितिका अध्यक्ष सुरेश लाल श्रेष्ठले कोभिड माहामारीको बीचमा पनि कम्पनीको प्रगती सन्तोषजनक रहेको बताए । कोरोना भाइरसले पारेका असर बीच पनि लगानीकर्तालाई ११.०५ प्रतिशत लाभाशं दिन सक्षम रहेको बताए ।

कोरोना भाइसबाट बीमा व्यवसाय मुक्त हुन अझै समय लाग्ने बताउँदै उनले कम्पनीले आर्थिक वर्ष २०७६/७७ मा ३६ करोड ९९ लाख ४४ लाख सञ्चालन मुनाफा आर्जन गरेको बताए । “चालु आवको दोस्रो त्रैमासको वित्तीय विवरण अनुसार कम्पनीले १८ करोड ६९ लाख भन्दा बढी खुद नाफा कमाएको छ । गत वर्षको तुलनामा १०९ प्रतिशतले बढी हो । ” उनले भने ।

सभामा बोल्ने शेयरधनीहरुले भने अन्य सबैजसो कम्पनीहरुले बोनस शेयर वितरण गरिरहेको अवस्थामा प्रिमियरले नगद लाभांश मात्र वितरण गरी बोनस नदिएको भन्दै कम्पनीप्रति असन्तुष्टी जनाएका थिए ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।