निवर्तमान डेपुटी गर्भनर शिवाकोटीको ‘हिमालबाट हिउँ पग्लि’ गीतको भिडियोकोे लोकप्रियता चुलिदैँ

नेपाल राष्ट्र बैकका निवर्तमान डेपुटी गर्भनर चिन्तामणि शिवाकोटीको गीतसङ्ग्रह ‘पत्थरको मुटु’ मा समावेश ‘हिमालबाट हिउँ पग्लि’ गीतले लोकप्रियता हासिल गर्दै गएको छ ।

शिवाकोटीको गीतसङ्ग्रह ‘पत्थरको मुटु’ समावेश ‘हिमालबाट हिउँ पग्लि’ गीतको भिडियो धेरैले रुचाएको प्रतिक्रिया दिएका छन् ।

यो गीतमा गायक प्रमोद खरेल र गायिका मेलिना राईको आवाज सुन्न पइन्छ । गीतमा सुरेश अधिकारीले संगित भरेका छन् भने कलाकार आकाश अधिकारी र निता ढुङ्गाना मोडलिङको भूमीकामा देखिएका छन् ।

गीतमा कोरियोग्राफरको भूमीकामा कमल राई छन् । गीतको निर्देशन आकाश अधिकारीले नै गरेका छन् । त्यसैगरी, कोमल वली, धिरेन शाक्य, शिव श्रेष्ठ लगायतको अभिनय समेत देख्न सकिन्छ। गीतको भिडियो ओएसआर डिजिटल युटुव च्यानल मार्फत सार्वजनिक भएको छ ।

 शिवाकोटीको गीतले देशको जातजति, भुगोल र प्राकृतिक विविधताको बारेमा गीतमा सन्देश दिन खोजका छन् । उनले बहुजाती, बुहभाषी र भुगोलको विविधता भएको देशमा सबैले मिलेर देशको विकासमा लाग्नु पर्ने सन्देश दिन खाजेका छन् ।

‘पत्थरको मुटु’ गीतसङ्ग्रहमा उनले विसं २०४३ देखि लेखेका ५२ वटा गीतहरू समावेश छन्। यसअघि शिवाकोटीले ‘समृद्ध नेपाल सुखी नेपाली’ ‘जिउँदै छु’, ‘आएन खबर’ बोलको गीतहरु सार्वजनिक गरिसकेका छन् । साथै, आगामी दिनहरुमा पूर्णरुपमा कलाक्षेत्रमा सक्रिय हुने शिवाकोटीको भनाई छ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।