सिभिल बैंक लिमिटेड (CBL) ले चालु आर्थिक वर्षको दोस्रो त्रैमाससम्ममा आफ्नो खुद नाफामा छलाङ मारेको छ ।
बैंकको शुक्रबार सार्वजनिक अपरिष्कृत वित्तीय विवरण अनुसार बैंकले ५० करोड ४० लाख रुपैयाँ खुद नाफा कमाएको छ ।
यो गत आर्थिक वर्षको सोही अवधिको तुलनामा १४८.४२ प्रतिशत बढी हो ।
खुद ब्याज आम्दानी लगायत आम्दानीका सबैजसो शीर्षक बढाएको बैंकको गत आर्थिक वर्षको पुस मसान्तसम्ममा २० करोड रुपैयाँ रहेको बैंकको इम्पेरमेन्ट चार्ज चालु आर्थिक वर्षको सोही अवधिसम्ममा घटेर ५ करोडमा झर्दा बैंकको नाफा वृद्धिमा सहयोग पुगेको हो ।
यस अवधिमा बैंकको वितरणयोग्य नाफा ६९ करोड ७९ लाख रुपैयाँ वितरणयोग्य नाफा आर्जन गरेको छ ।
चालु आर्थिक वर्षको पुस मसान्तसम्ममा बैंकले प्रतिसेयर आम्दानी बढाएर ११.६६ रुपैयाँ पुर्याएको छ । गत आवको यसै अवधिमा बैंकको इपिएस ४.६९ रुपैयाँ मात्र थियो ।
समीक्षा अवधिमा बैंकको खुद ब्याज आम्दानी ५७ प्रतिशत बढेर १ अर्ब ४६ करोड नाघेको छ भने सञ्चालन मुनाफा १७१ प्रतिशत धेरैले वृद्धि हुँदै ७३ करोड २२ लाख कायम भएको छ । बैंकको प्रतिशेयर नेटवर्थ १२९.३९ रुपैयाँ र मूल्य आम्दानी अनुपात २१.८७ गुणा छ ।
चालु आर्थिक वर्षको पहिलो ६ महिनामा बैंकको चुक्ता पूँजी स्थीर रहेको छ । गत आवबाट ५ प्रतिशत बोनस वितरण गरेको बैंकले बोनस पूँजीकरण गर्न बाँकी छ ।
बैंकको जगेडा कोष २४ प्रतिशत, निक्षेप ३.४६ प्रतिशत, कर्जा ५.५५ प्रतिशत बढेको छ । बैंकको खराब कर्जा अनुपात घटेर ०.९४ प्रतिशत, कोषको लागत ६.८०, आधार ब्याजदर ९.७४, र कर्जा निक्षेप अनुपात (सीडी रेसियो) ८८.८८ प्रतिशत छ ।
Particulars | Civil Bank Limited | ||
Q2, 2078/2079 | Q2, 2077/2078 | Difference | |
Share Capital Rs ‘000 | 8,643,661.00 | 8,643,661.00 | 0.00 |
Net Profit Rs ‘000 | 504,001.00 | 202,884.00 | 148.42 |
Annualized EPS (Rs.) | 11.66 | 4.69 | 148.61 |
Net Worth per share (Rs.) | 129.39 | 123.72 | 4.58 |
Reserve & Surplus Rs ‘000 | 2,540,638.00 | 2,050,049.00 | 23.93 |
Deposit from Customers Rs ‘000 | 91,698,217.00 | 88,634,877.00 | 3.46 |
Loans and Advances Rs ‘000 | 83,427,478.00 | 79,037,697.00 | 5.55 |
Net Interest Income Rs ‘000 | 1,467,449.00 | 934,507.00 | 57.03 |
Impairment charge/(Reversal) for loans Rs ‘000 | 51,176.00 | 199,927.00 | -74.40 |
Operating Profit Rs ‘000 | 732,294.00 | 269,758.00 | 171.46 |
Capital Adequacy Ratio (CAR) | 15.12% | 13.73% | 10.12 |
Cost of Funds (%) | 6.80% | 6.87% | -1.02 |
Base Rate (%) | 9.74% | 8.45% | 15.27 |
CD Ratio (as per NRB Directives) | 88.88% | 75.32% | 18.00 |
Non-performing Loan (%) | 0.94% | 1.70% | -44.71 |
Price to Earnings (Times) | 21.87 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया