एनआईसी एशियाका तीन म्युचुअल फण्डको प्रतिफल सुरक्षित गर्ने सोमबार अन्तिम दिन

एनआईसी एशिया क्यापिटलको व्यवस्थापनमा सञ्चालित तीन सामुहिक लगानी कोष योजनाहरू (म्युचुअल फण्ड) को प्रतिफल (लाभांश) सुरक्षित गर्ने कात्तिक १४ गते सोमबार अन्तिम दिन रहेको छ ।

एनआईसी एशिया म्युचुअल फण्डद्धारा सञ्चालित तीन योजनाहरू एनआईसी एशिया ब्यालेन्स्ड फण्ड, एनआईसी एशिया ग्रोथ फण्ड र एशिया डाइनामिक डेप्ट फण्डको प्रतिफल पाउन सोमबारसम्म इकाईधनी कायम भैसकेको हुनुपर्छ ।

एनआईसी एशिया ब्यालेन्स्ड फण्ड र एनआईसी एशिया ग्रोथ फण्डले समान कर सहित १३ प्रतिशत र एनआईसी एशिया डाइनामिक डेप्ट फण्डले करसमेत ६ प्रतिशतका दरले गत आर्थिक वर्ष २०७८।७९ को सञ्चित मुनाफाबाट प्रतिफल घोषणा गरेका थिए ।

उक्त प्रतिफल वितरणका लागि तीनवटै फण्डहरुले कात्तिक १५ गते मंगलबार एक दिन बुकक्लोज गर्दैछन् । क्लोजको आधारमा तीन वटै योजनाको प्रतिफल भोलिसम्म कायम इकाईधनीहरूले मात्र प्राप्त गर्नेछन् ।

एनआईसी एशिया ग्रोथ फण्ड ७ वर्षे र एनआईसी एशिया ब्यालेन्स्ड फण्ड १० वर्षे अवधिका बन्दमुखी योजना हुन् । एनआईसी एशिया डायनामिक डेप्ट फण्ड भने खुलामुखी योजना हो ।

बन्दमुखी फण्डको कारोबार नेप्से मार्फत हुने गरेको छ भने खुलामुखी फण्डको कारोबार योजना व्यवस्थापक र सो ले तोकेको केन्द्रबाट खरिद बिक्री गर्न सकिन्छ ।

तिहारअघि कात्तिक ७ गतेदेखि सेयर बजार बन्द रहेको छ । छठ पर्वको विदापछि कात्तिक १४ गते (भोलि) देखि नै धितोपत्र दोस्रो बजार सञ्चालनमा आउनेछ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।