निर्वाचन अपडेटः ७५ स्थानको नतिजा सार्वजनिक, कहाँ कसले जिते ? (मतान्तर सहित)

मंसिर ४ गते आइतबार सम्पन्न प्रतिनिधिसभा र प्रदेशसभा सदस्य निर्वाचनको मतगणना जारी छ । निर्वाचन आयोगका अनुसार प्रतिनिधि सभातर्फ आज अपराह्न साढे १२ बजेसम्म १६५ निर्वाचन क्षेत्रमध्ये ७५ स्थानको मतपरिणाम सार्वजनिक भइसकेको छ भने ८७ स्थानमा मतगणना जारी छ ।

आयोगको प्रणालीमा प्रविष्ट तथ्याङ्कअनुसार नेपाली कांग्रेस २८, नेकपा (एमाले) १६, नेकपा (माओवादी केन्द्र) ८, नेकपा (एकीकृत समाजवादी) ७ स्थान र राष्ट्रिय स्वतन्त्र पार्टीले ६ स्थानमा जित हासिँल गरेका छन् ।

यस्तै राष्ट्रिय प्रजातन्त्र पार्टी (राप्रपा) २, लोकतान्त्रिक समाजवादी पार्टी (लोसपा) २, जनता समाजवादी पार्टी (जसपा), नागरिक उन्मुक्ति पार्टी, नेपाल मजदुर किसान पार्टी, जनमत पार्टी र राष्ट्रिय जनमोर्चा पार्टी र अन्य गरी एक।एक स्थानमा विजयी भएका छन् ।

जारी मतगणनामा गत निर्वाचनको तीन ठूला दलको अग्रता कायमै छ । कांग्रेस २६, एमाले ३०, माओवादी ९,जनता समाजवादी पार्टी (जसपा) ५, राष्ट्रिय प्रजातन्त्र पार्टी (राप्रपा) ४, एकीकृत समाजवादी ३, राष्ट्रिय स्वतन्त्र पार्टी ३, लोकतान्त्रिक समाजवादी पार्टी (लोसपा) १, नागरिक उन्मुक्ति पार्टी १ र अन्य चार स्थानमा अगाडि छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।