चार वाणिज्य बैंकले सेयरधनीलाई दिएनन् लाभांश, कृषि विकास बैंकको घोषणा हुन बाँकी

देशमा सञ्चालित कुल २६ वाणिज्य बैंकमध्ये चार विकास बैंकले लाभांश नबाँड्दा २१ बैंकले भने सेयरधनीलाई लाभांश वितरण गरेका छन् । अब कृषि विकास बैंकको लाभांश प्रस्ताव हुन बाँकी छ ।

गत आर्थिक वर्ष २०७८/७९ को मुनाफाबाट पुँजीकोष अनुपात कायम गर्न नसक्दा एनआईसी एशिया बैंक, माछापुच्छ्रे बैंक, र लक्ष्मी बैंकले लाभांश वितरण गर्न सकेन भने सनराइज बैंकले भने वितरणयोग्य मुनाफा रधनीलाई लाभांश वितरण गर्न नसकेको हो ।

लाभांश वितरण गरेका बैंकमध्ये नबिल बैंकले सर्वाधिक चुक्ता पुँजीको ३० प्रतिशत लाभांश प्रस्ताव गरेको छ भने सेञ्चुरी कमर्सियल बैंकले सबैभन्दा कम ५ प्रतिशत लाभांश वितरण गरेको छ ।

हेर्नुहोस् कुन बैंकको लाभांश कति ?

१७ बैंकको बुकक्लोज सम्पन्न, तीन बैंकको सेयर किन्दा लाभांश पाइने

लाभांश घोषणा गरेका २१ मध्ये १७ बैंकले शनिबारसम्म बुकक्लोज गरिसकेका छन्भने चार बैंकको सेयर किन्दा भने अझै लाभांश पाइने अवस्था छन् ।

लाभांश पाइने बैंकहरुमा नबिल बैंक, हिमालयन बैंक र सिभिल बैंक रहेका छन् । नबिल बैंक, हिमालयन बैंकले पुस १८ गते सोमबार बुकक्लोज गर्दैछन् भने सिभिलले पुस १९ गते मंगलबार बुकक्लोज मिति तोकेको छ ।

बुकक्लोजको अघिल्लो दिनसम्म सेयर खरिद गर्ने लगानीकर्ताले लाभांश पाउनेछन् । सरकारी स्वामित्वको राष्ट्रिय वाणिज्य बैंकले पनि पुस १८ गते सोमबार बुकक्लोज तोकेपनि बैंकको सेयर नेप्सेमा कारोबार नहुने भएकाले साे बैंककाे भने सेयर खरिद गर्न नसकिने भएकाले लाभांश पाइने अवस्था छैन ।

२४ बैंकले डाके साधारण सभा

शनिबारसम्म २६ मध्ये २४ बै.कले साधारण सभा बोलाएका छैनन् । लाभांश घोषणा नगरेको कृषि विकास बैंक र लाभांश वितरण नगरेको सनराइज बैंकले हालसम्म साधारण सभा आह्वान नगरेको हो ।

हालसम्म ११ बैंकले साधारण सभा सम्पन्न गरिसकेका छन् भने १२ बैंकले पुस मसान्त नजिक साधारण सभा आह्वान गरेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।