वित्तीय कारोबार गर्ने फरक प्रकृतिका संस्थाले पनि सह–वित्तीयकरणको अगुवाई गर्न सक्ने

विभिन्न परियोजनाहरुमा सह–वित्तीयकरण लगानी गर्दा कर्मचारी सञ्चय कोष, नागरिक लगानी कोष तथा हाइड्रोइलेट्रिसिटी इन्भेष्टमेन्ट एण्ड डेभलपमेन्ट कम्पनी (एचआइडीसीएल)ले पनि नेतृत्व लिन सक्ने भएका छन् ।

नेपाल राष्ट्र बैंकले यसभन्दा अघि सह–वित्तीयकरणको नेतृत्व बैंक तथा वित्तीय संस्थाले मात्र गर्न सक्ने व्यवस्था गरेको थियो । तर, सोही व्यवस्थालाई केन्द्रीय बैंकले संशोधन गर्दै वित्तीय कारोबार गर्ने फरक प्रकृतिका कम्पनीहरुले पनि अगुवा गर्न सक्ने व्यवस्था गरेको हो ।

नेपाल राष्ट्र बैंकका अनुसार कर्मचारी सञ्चय कोष र नागरिक लगानी कोषले जुनसुकै परियोजनाको सहवित्तयकरणको अगुवा संस्थाको रुपमा रहन सक्नेछन । तर, एचआइडीसीएलको सन्दर्भमा भने उक्त कम्पनीको कार्याक्षेत्र भित्रका परियोजनाहरुको सहवित्तीयकरणमा अगुवा गर्न सक्ने व्यवस्था गरेको हो ।

आइतबार नेपाल राष्ट्र बैंकले एकिकृत निर्देशन २०७८ लाई संशोधन गर्दै बैंकबाट वित्तीय कारोबार गर्न इजाजतपत्र प्राप्त संस्थाहरु र एचआइडीसीएलले (सम्बन्धित क्षेत्रमा) मात्र सह–वित्तीयकरणमा भाग लिन पाउने व्यवस्था गरेको छ् । तर, कर्मचारी संञ्चयक कोष र नागरिक लगानी कोषलाइ यस बैंकबाट वित्तीय कारोबार गर्न इजाजतपत्रप्राप्त संस्था एचआइडीएस(सम्बन्धित क्षेत्र)ले अगुवा संस्था हुने गरी गठन हुने सह–वित्तीयकरण समुहमा सहभागि भई कर्जा प्रबाह गर्न सक्ने व्यवस्था गरेको छ ।

यसभन्दा अघि कर्मचारी संचय कोष, नागरिक लगानी कोष र एचआइडीसीएलले अगुवा संस्था हुने गरी गठन हुने सह–वित्तीयकरण समूहमा सहभागी भई कर्जा प्रवाह गर्न नसक्ने व्यवस्था थियो । उल्लेखित संस्था बाहेकका अन्य वित्तीय संस्थालाई सह–वित्तीयकरणमा सहभागी गराईएमा राष्ट्र बैंकलाई जानकारी गराउनु पर्ने व्यवस्था छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।