व्यवसायी तथा उद्यमीहरुको सहयोगी बन्दै मुगुसप, ग्रयान्ड डे मा दुई हजार व्यक्तिसँग अन्तरक्रिया

व्यवसायी तथा उद्यमीहरुको दैनिक कारोबार व्यवस्थापनमा सहजता प्रदान गर्ने मुगुसप एपले मुगु ग्रयान्ड डे मा दुई हजार व्यक्तिहरुसँग अन्तरक्रिया गरेको छ ।

मुगुसप एक पोइन्ट अफ सेल अर्थात् एक ठाउँ जहाँबाट खरिदबिक्री सम्बन्धी सबै काम गरिन्छ । पारम्पारीक अभिलेखिकरण पद्धतिमा नवीनता ल्याउँदै मुगुसपले अनलाइनबाट नै व्यवसाय सञ्चालनमा आवश्यक पर्ने सुविधाहरु प्रदान गर्ने छ । 

मुगुसप आइमार्कद्धारा निर्माण गरिएको एप हो र यसले उद्यमीहरुलाई प्रणालीबद्ध रुपमा योजना बनाउन र कार्यान्वयन गर्न सघाउने आइमार्कका व्यवस्थापक सुयास चन्दले बताए । यस एपले उद्यमीहरुलाई वेभ ड्यासबोर्ड प्रदान गर्छ जहाँ उद्यमीहरुले बिलिङ सेल, गा्रहक इन्भोइस, भुत्तानी, छुट, खरिद–बिक्री सूचीको व्यवस्थित तथा सहज रुपमा अभिलेख राख्न सहयोग गर्छ ।

एक महिना अगाडि लन्च भएको मुगुसप आन्तरिक राजस्व विभागबाट प्रमाणित एप हो । आज मुगु ग्रयान्ड डे रहेको छ र यसको अवसरमा मुगुसपसँग आवद्ध हुन चाहनु भएका २००० व्यक्तिहरुसँग अन्तरक्रिया गर्ने जानकारी चन्दले दिए ।

मुगुसप एपबाट उद्यमीहरुले बिलिङ, खाता व्यवस्थापन, सामानहरुको सूची व्यवस्थापन, कर्मचारीको हाजिरी, रिर्पोटिङ, अनलाइन स्टोर सञ्चालन, ग्राहकसँगको सम्बन्ध व्यवस्थापन(सीआरएम) तथा लोयल्टी व्यवस्थापन जस्ता सेवासुविधा लिन सक्ने छन् । मुगुसप एप अन्तर्गत रिटेल, किराना पसल, स्पा, सैलुन, रेष्टुरेन्ट तथा क्याफे उद्यमीहरुले सेवा लिन सक्ने छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।