फोनपेको ‘झट्ट ट्रान्सफर चट्ट कार’ अफर अन्तर्गत मोरङ्गका कमल चुडालले जिते कार

भुक्तानी प्रणाली सञ्चालक फोनपे पेमेन्ट सर्भिसले दोस्रो पटक सञ्चालनमा ल्याएको ‘झट्ट ट्रान्सफर चट्ट कार’ योजना अन्तर्गत बम्पर उपहारमा मोरङ्गका कमल चुडालले हुण्डाइको स्याण्ट्रो (एरा एक्जुकेटिभ) कार जितेका छन् ।

उनले सनराइज बैंकबाट रकम ट्रान्सफर गर्दा बम्पर उपहार स्वरुप स्याण्ट्रो जित्न सफल भएका छन् । विजेता कमललाई फोनपे पेमेन्ट सर्भिसका असिस्टेन्ट सीइओ दिवस सापकोटा र सनराइज बैंकका महाप्रबन्धक अपच कुमार यादवले कारको साँचो हस्तान्तरण गरेका थिए ।

डिजिटल कारोबारलाई प्रोत्साहन गर्न असोज ३१ देखि पुस १६ सम्म आयोजना गरेको यस योजना अन्तर्गत ७५ जनाले आइफोन १३ र कमल चुडालले हुण्डाइको स्याण्ट्रो (एरा एक्जुकेटिभ) कार जित्न सफल भएका छन् । यस योजना अन्तर्गत हरेक दिन एक जनाले आइफोन जित्न सफल भएका थिए ।

अघिल्लो पटक पनि फोनपेले यस्तै योजना सञ्चालन गरेको थियो । जसमा झापाका एज्जल अधिकारीले हुण्डाइको ग्राण्ड आइटेन कार जित्न सफल भएका थिए ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।