द ब्रिटिस कलेजमा ‘टिबिसी मार्केटप्लेस’ कार्यक्रम सम्पन्न

द ब्रिटिस कलेजले पहिलो वार्षिक ‘टिबिसी मार्केटप्लेस’ इभेन्ट आयोजना गरेको छ ।

लेभल ३ बिबिए करिकुलमको एक भागको रुपमा डिजाइन गरिएको उक्त कार्यक्रममा पहिलो वर्षका विद्यार्थीहरुद्वारा १८ वटा स्टलको व्यवस्था गरिएको थियो । सबै स्टलमार्फत स्थानीय व्यवसायीहरुका विभिन्न उत्पदानहरु बिक्रि गरिएको थियो ।

थापाथलीस्थित ट्रेड टावरको भुई फ्लोरमा उक्त कार्यक्रम आयोजना गरिएको थियो । उक्त कार्यक्रममा विद्यार्थीहरुलाई व्यवसायिक दृष्टिकोण, स्पोनसर्सिप प्राप्त गर्ने, ब्राण्ड डिजाइनिङ, उत्पादनको बिक्रिवितरण जस्ता कार्यहरु दिइएको थियो ।

उक्त प्राक्टिकल एसाइनमेन्टबाट कुल ग्रेडको ४० प्रतिशत योगदान हुनेछ र बाँकी प्रक्रिया अन्तर्गत परोपकारमा दान गरिनेछ ।

बिबिए कार्यक्रमका प्रमुख सौरभ सत्यालले मार्केटप्लेसबारे जानकारी दिदै भने,‘टिबिसीमा विद्यार्थीहरुलाई व्यवहारिक सिकाई र शिक्षामार्फत आफुलाई प्रस्तुत गराउन हामीले प्रोत्साहित गछौँ । यो कार्यक्रम नै एउटा राम्रो उदाहरण हो । यो विद्यार्थीहरुका लागि एक अवसर हो जहाँ उनीहरुले आफ्नो अध्ययनलाई व्यवहारिक बनाउन सक्छन् ।’

कार्यक्रममा रहेका स्टलहरु बिहान ८ः३० बजेदेखि बेलुका ४ बजेसम्म खुल्ला रहेका थिए जसमा तातो खानादेखि डेजर्ट, गहना, कला, कस्मेटिक र मोबाइलका सामाग्रीहरुसम्म थिए । उक्त कार्यक्रममा आउने सबैलाई कलेजको दुवै द्वारबाट स्वागत गरिएको थियो । उक्त इभेन्टमा १५०० जनाभन्दा बढीको सहभागिता थियो ।

कलेजका मार्केटिङ प्रमुख अमरदी मण्डलले भने,‘अध्ययनको पहिलो वर्षमा नै विद्यार्थीहरुले यतिधेरै एक्सपोजर पाउँदा मलाई निकै खुसी लागेको छ । टिबिसीले आयोजना गरेको मार्केटप्लेसले एउटा ठुलो सफलता प्राप्त गरेको मेरो ठम्याई छ । भविष्यमा पनि कलेजले यस्तै व्यवहारिक कार्यक्रमलाई निरन्तरता दिनेछ ।’

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।