गत आर्थिक वर्षमा २६ वाणिज्य बैंकहरुले पौने एक खर्ब रुपैयाँ खुद नाफा आर्जन गरेका छन । संचालनमा रहेका २६ वाणिज्य बैंकले ७४ अर्ब ४७ करोड रुपैयाँ नाफा गरेका हुन्। ।
बैंकहरुको यस्तो नाफा अघिल्लो आर्थिक वर्षको तुलनामा २३ प्रतिशत धेरै हो ।अघिल्लो आर्थिक वर्षमा वाणिज्य बैंकहरुले ६० अर्ब ४१ करोड रुपैयाँ खुद नाफा कमाएका थिए ।
गत आर्थिक वर्षमा सबैभन्दा बढी नाफा कमाउनेमा राष्ट्रिय वाणिज्य बैंक पहिलो बनेको छ। २६ वाणिज्य बैंक मध्ये राष्ट्रिय वाणिज्य बैंकले ५ अर्ब २१ करोड नाफा कमाएकोे हो। बैंकले गत आर्थिक वर्षमा नाफा ३७ प्रतिशतले बढाएको हो ।
दोस्रो हुने ग्लोबल आईएमई बैंकले ५ अर्ब २० करोड रुपैयाँ नाफा गरेको छ । गत आवमा पाँच अर्ब बढी नाफा गर्नेमा राष्टिय वाणिज्य बैंक र ग्लोबल आईएमई मात्र रहेका छन ।
तेस्रोमा रहेको नबिल बैंकले ४ अर्ब ९७ करोड रुपैयाँ नाफा कमाएको छ। नबिलले एनबी बैंकलाई प्राप्ती गरेर एकीकृत कारोबार सुरु गरिसकेको छ। त्यस्तै चौथोमा एनआईसी एसिया बैंकले ४ अर्ब ५२ करोड रुपैयाँ नाफा कमाएको छ।
पाँचौ रहेको नेपाल इन्भेष्टमेन्ट बैंकले ४ अर्ब ८ करोड रुपैयाँ नाफा कमाएको छ। चार अर्ब बढी नाफा कमाउने तीन बैंक परेका छन । नबिल, एनआईसी एशिया र नेपाल इन्भेष्टमेन्ट बैंकले चार अर्ब बढी नाफा कमाएका छन ।
यसैगरी प्राइम बैंककले ३ अर्ब ६८ करोड, नेपाल बैंकको ३ अर्ब २६ करोड तथा सिद्धार्थ बैंकले ३ अर्ब २१ करोड नाफा कमाएका छन ।
कुमारी बैंकको २ अर्ब ८३ करोड, मेगा बैंकको २ अर्ब ८३ करोड, कृषि विकास बैंकको २ अर्ब ६९ करोड , प्रभु बैंकको नाफा २ अर्ब ६० करोड, एभरेष्ट बैंकको २ अर्ब ५४ करोड, हिमालयन बैंकको २ अर्ब ४८ करोड, सानिमा बैंकको २ अर्ब २९ करोड नाफा कमाएका छन ।
यसैगरी स्टयान्डर्ड चार्टर्ड बैंकको २ अर्ब २६ करोड, सिटिजन्स बैंकको २ अर्ब २५ करोड माछापुच्छ्रे बैंकको २ अर्ब १६ करोड, सनराइज बैंकको २ अर्ब १५ करोड खुद नाफा छ । त्यस्तै एनसीसी बैंकले २ अर्ब २ करोड नाफा कमाएको छ ।
त्यस्तै बैंक अफ काठमाण्डू १ अर्ब ८२ करोड , एसबीआई बैंकको १ अर्ब ६३ करोड , लक्ष्मी बैंकको १ अर्ब ६० करोड, सिभिल बैंकको १ अर्ब ३८ करोड तथा सेञ्चुरी बैंकको नाफा १ अर्ब ३५ करोड रुपैयाँ छ ।
गत आर्थिक वर्षमा ठुला बैंकभन्दा साना बैंकले धेरै नाफा बढाएका छन । सिभिल बैंकले सबैभन्दा धेरै १६२ प्रतिशतले नाफा बढाएको छ। यस्तै सेञ्चुरी बैंकले ११५ प्रतिशतले नाफा बढाएको छ ।
गत वर्ष तीनवटा बैंकको नाफामा गिरावट देखिएको छ। सानिमा बैंक, कृषि विकास बैंक र हिमालयन बैंकको नाफा घटेको हो । कृषि विकास बैंकको नाफा सबैभन्दा धेरै २६ प्रतिशतले नाफा घट्दा हिमालयन बैंकको १७ प्रतिशत तथा सानिमाको नाफा १ प्रतिशतले घटेको छ।
गत आर्थिक वर्षको तथ्यांक अनुसार बैंकहरुले औसत नाफा २ अर्ब ८७ करोड रुपैयाँ देखिन्छ । सो अवधिमा नौ वाणिज्य बैंकहरुले औसत भन्दा धेरै नाफा गरेका छन ।
Bank | 4th Quarter 2078/079 (000) | 4th Quarter 2077/078 (000) |
RBB | 5,214,247 | 3,795,477 |
Global ime bank | 5,206,455 | 4,165,152 |
Nabil | 4,972,756 | 4,527,553 |
Nic asia bank | 4,525,422 | 3,258,934 |
Investment | 4,086,384 | 3,558,606 |
NMB bank | 3,701,317 | 2,711,074 |
Prime | 3,681,232 | 3,268,400 |
Nepal | 3,266,085 | 2,961,230 |
Siddhartha | 3,219,741 | 2,854,828 |
Kumari | 2,835,234 | 1,970,730 |
Mega | 2,831,864 | 2,325,429 |
Agriculture | 2,690,057 | 3,527,536 |
Prabhu | 2,600,396 | 1,720,875 |
Everest bank | 2,546,059 | 1,770,939 |
Himalayan | 2,482,136 | 2,998,623 |
Sanima | 2,292,909 | 2,317,821 |
Standard Chartered | 2,269,855 | 1,398,853 |
Citizen bank | 2,251,171 | 1,804,341 |
machhapuchhre | 2,160,900 | 1,607,473 |
Sunrise | 2,150,944 | 1,446,550 |
NCC | 2,022,222 | 1,330,625 |
Bank of kathmandu | 1,810,276 | 1,726,409 |
SBI bank | 1,638,284 | 963,479 |
Laxmi | 1,603,571 | 1,575,761 |
Civil | 1,384,685 | 527,784 |
Century Commercial | 1,357,231 | 629,320 |
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया