यी हुन् बुधबार ९ प्रतिशतभन्दा धेरैले सेयरमूल्य बढेका ३० कम्पनी

बुधबार बुधबार सेयर बजार सूचक मापक नेप्से ३.१५ प्रतिशत अर्थात ६४.८७ अंकले बढेर २१२५.९४ बिन्दुमा पुगेको छ । नेपाल राष्ट्र बैंकले चालु पुँजी कर्जामा संसोधन गर्दै लचकता देखाएसँगै नेपाली सेयर बजारमा बुधबार ६५ अंकको बढोत्तरी भएको हो ।

बजार बढेसँगै आज विभिन्न ३० कम्पनीको सेयरमूल्य ९ प्रतिशतभन्दा धेरैले बढेको छ । नेप्सेका अनुसार आज विभिन्न ८ कम्पनीको सेयर मूल्य १० प्रतिशतले बढेर सकारात्मक सर्किट लागेको छ । जसमा साल्ट ट्रेडिङ्ग कर्पोरेसन, हिमालयन डिस्टिलरी, कालिका लघुवित्त, मिर्मिरे लघुवित्त, किसान लघुवित्त, नाडेप, पिपल्स पावर र खप्तड लघुवित्तको सेयरमूल्य १० प्रतिशतले बढेको हो ।

यस्तै कालिका पावर कम्पनी, आरएसडिसी लघुवित्त, बाराही हाइड्रोपावर, बिन्धबासिनी हाइड्रोपावर, हिमालयन हाइड्रोपावर, आशा लघुवित्त, सबैको लघुवित्त, निर्धन उत्थान लघुवित्त, सेन्ट्रल फाइनान्स, इस्ट्रन हाइड्रोपावर, समता घरेलु लघुवित्त, आरम्भ चौतारी लघुवित्त, बुद्धभुमी नेपाल हाइड्रोपावर, प्रभु इन्स्योरेन्स, नयाँ साथी लघुवित्त, बलेफी हाइड्रोपावर, स्वरोजगार लघुवित्त, सर्पोट माइक्रोफाइनान्स, स्वाभिमान लघुवित्त, इमर्जिङ्ग नेपाल लिमिटेड, महालक्ष्मी विकास बैंक र तेह्रथुम पावर कम्पनीको सेयरमूल्य ९ प्रतिशतभन्दा धेरै बढेको हो ।

उता नेपाल एसबिआई डिबेञ्चर २०८६ को मूल्य १.९९ प्रतिशत, सनराइज ब्लूचिप फन्डको इकाई १.७४ प्रतिशत, अजोड इन्स्योरेन्स १.७४, लक्ष्मी बैंक १.४४ प्रतिशत र धौलागिरी लघुवित्तको सेयरमूल्य १.२० प्रतिशतले घटेको छ ।

आज २५८ कम्पनीका ८७ लाख ३३ हजार कित्ता सेयर ३ अर्ब ५० करोड रुपैयाँमा खरिद बिक्री भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।