राष्ट्रिय बीमा कम्पनीको नाफा ९२ प्रतिशत बढ्यो, अधिकांश सूचकमा छलाङ

राष्ट्रिय बीमा कम्पनीले ९२.५७ प्रतितशले खुद नाफा बढाउँदै आर्थिक वर्ष २०७९।८० को पुस मसान्तसम्ममा ३७ करोड ४१ लाख ९० हजार रुपैयाँ नाफा कमाएको छ । गत आर्थिक वर्षको सोही अवधिमा कम्पनीले १९ करोड ४३ लाख १५ हजार रुपैयाँ नाफा कमाएको थियो ।

वित्तीय विवरण अनुसार कम्पनीको अधिकांश सूचकमा छलाङ मारेको छ । गत आर्थिक वर्षको सोही अवधिमा कम्पनीले करोड १२ करोड ८८ लाख ८९ हजार रुपैयाँ खुद बीमा शुल्क आर्जन गरेकोमा बढेर २१ करोड २१ लाख ५० हजार रुपैयाँ पुगेको छ । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ६४.६० प्रतिशतले बढी हो ।

चुक्ता पूँजी २६ करोड ६६ लाख रुपैयाँ भएको कम्पनीको प्रति सेयर आम्दानी २८० रुपैयाँ ६७ पैसा रहेको छ । प्रतिशेयर नेटवर्थ १ हजार ४३९ रुपैयाँ ७७ पैसा रहेको छ । जगेडा कोषको आकार ३ अर्ब २४ करोड ५६ लाखबाट १० प्रतिशत बढेर ३ अर्ब ५७ करोड २३ लाख रुपैयाँ सञ्चित भएको छ ।

कम्पनीको बीमा कोषमा २ अर्ब ८५ करोड ४० लाख रुपैयाँ रहेको छ । गत आवको सोही अवधिमा २ अर्ब ५२ करोड ७३ लाख रहेकोमा १३ प्रतिशतले बढोत्तरी भएको हो ।  यस अवधिमा कम्पनीले १ अर्ब ४६ करोड ४२ लाख रुपैयाँ दीर्घकालीन कर्जा, ६ अर्ब ७ करोड रुपैयाँ अल्पकालीन कर्जा लगानी गरेको छ । कम्पनीले लगानी कर्जा तथा अन्यबाट ११ करोड ९९ लाख ३२ हजार रुपैयाँ आम्दानी गरेको छ । कम्पनीको पुर्नबीमा कमिसन आय भने ९ करोड ९५ लाखबाट घटेर ९ करोड ४६ लाख १९ हजारमा खुम्चिएको छ ।

गत आर्थिक वर्षको सोही अवधिको तुलनामा कम्पनीको खुद दाबी भुक्तानी बढेको छ । गत आर्थिक वर्षको सोही अवधिमा १ करोड ९२ लाख ३६ हजार रुपैयाँ मात्रै खुद दाबी भुक्तानी गरेको कम्पनीले यस अवधिमा ३ करोड ३९ लाख ९७ हजार रुपैयाँ खुद दाबी भुक्तानी गरेको छ ।
पुससम्म कम्पनीको ४५९ वटा दाबी वापत ६ करोड ८३ लाख ८८ हजार रुपैयाँ कुल दाबी भुक्तानी गरेको छ । गत आवको सोही अवधिमा कम्पनीले २३ करोड ६ लाख २८ हजार रुपैयाँ कुल दाबी भुक्ता गरेको थियो ।

कम्पनीले कुल २४ हजार ८५१ वटा बीमालेख बिक्री गरेकोमा १० हजार ५ वटा नवीकरण भएका छन् । गत आवको सोही अवधिमा कुल १४ हजार ८५९ वटा बीमालेख बिक्री गरेकोमा ४ हजार ७७८ वटा नवीकरण भएका थिए ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।