जगदम्बा स्टील्सले पनि प्रिमियममा आईपीओ ल्याउने

पुँजी बजारको नियामक निकाय नेपाल धितोपत्र बोर्डले प्रिमियिम मूल्यमा सेयर जारी गर्न पाउने व्यवस्था गरेसँगै उत्पादन मुलुक कम्पनीहरु सर्वसाधारणमा सेयर जारी गर्न इच्छुक देखिएका छन् ।

अंकित मूल्य एक सय रुपैयाँमा सेयर जारी गर्न अनिच्छुक देखिएका कम्पनीहरु पनि प्रिमियम जोडेर सेयर बिक्री गर्न पाउने भएपछि उत्पादलनमुलक कम्पनीहरु सर्वसाधारणमा केही हिस्सा बिक्री गर्न अग्रसर हुने गरेका हुन् ।

जगदम्बा स्टील्स लिमिटेडले पनि प्रिमियम मूल्यमा आईपीओ ल्याउने भएको छ । जगदम्बा स्टील्स लिमिटेडले प्रिमियम मूल्यमा आईपीओ जारी गन प्रस्ताव सहित आगामी चैत १ गते प्रथम वार्षिक साधारण सभा आह्वान गरेको छ । फागुन ८ गते बसेको कम्पनीको सञ्चालक समितिको बैठकले चैत १ गते कम्पनीको रजिष्टर्ड कार्यालय नक्साल, काठमाडौंमा बिहान ११ः३० बजे सभा डाकेको हो ।

नेपालकै सबैभन्दा ठूलो स्टील कम्पनीको रुपमा स्थापित यो उद्योगले सेयर जारी गर्ने भएसँगै साधारण सभा मार्फत प्रस्ताव अगाडि बढाउन लागेको हो । यस्तै कम्पनीले सभाबाट सञ्चालक समितिले प्रस्ताव गरेको बोनस सेयर वितरणको प्रस्ताव पारित गर्ने, कम्पनीको अधिकृत, जारी र चुक्तापूँजी वृद्धि गर्ने प्रस्ताव पनि राखेको छ ।

कम्पनीले बोनस सेयर वितरणको प्रस्ताव पारित गर्ने उल्लेख गरेपनि कति बोनस हो भन्ने विषयमा भने खुलाएको छैन ।

साथै कम्पनीको सभाले गत आर्थिक वर्ष २०७८/७९ को वार्षिक प्रतिवेदन सहितका वित्तीय विवरणहरू पारित गर्ने, लेखापरिक्षण नियुक्त र निजको पारिश्रमिक निर्धारण गर्ने, सञ्चालकहरूको पारिश्रमिक र भत्ता निर्धारण र स्वतन्त्र नियुक्ती गर्ने लगायतका विषय उपर छलफल गरी निर्णय गर्नेछ ।

सात अर्ब लागतमा बाराको सिमरामा रहेको जगदम्बा स्टिल्स उद्योगले अत्यन्त आधुनिक प्रविधिबाट जगदम्बा (सुपर साइन) रङ्गीन जस्तापाता तथा जगदम्बा (ग्याल्भप्लस) सादा जस्तापाता उत्पादन गर्दै आएको छ । शङ्कर समूहद्वारा सञ्चालित उक्त उद्योग नेपालको पहिलो पूर्ण स्वाचालित गाल्भ्ल्युमलाइन प्रविधिबाट ठूलो मात्रामा उत्पादन हुने रङ्गीन जस्तापाता र सादा जस्ता पाता अन्य साधारण जस्तापाताको तुलनामा अत्यधिक मजबुत, भरपर्दो तथा टिकाउ रहेको उद्योगको जिकिर रहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।