तीन कम्पनीको १७ करोड ८९ लाख रुपैयाँको बोनस सेयर नेप्सेमा सुचीकृत

नेपाल स्टक एक्सचेञ्ज (नेप्से) मा तीन कम्पनीको कुल १७ करोड ८९ लाख २६ हजार ५०० रुपैयाँ मुल्यको १७ लाख ८९ हजार २५६ कित्ता बोनस सेयर सुचीकृत भएको छ ।  नेप्सेका अनुसार नेप्सेका अनुसार महिला लघुवित्त वित्तीय संस्था लिमिटेड, वीन नेपाल लघुवित्त वित्तीय संस्था लिमिटेड र आईएमई जनरल इन्स्योरेन्स लिमिटेडको बोनस सेयर सूचीकृत भएको हो ।

आईएमई जनरल इन्स्योरेन्सको चुक्ता पुँजीको ६ प्रतिशतले हुन आउने १० करोड २० लाख ९९ हजार ८५ रुपैयाँ बराबरको १० लाख २० हजार ९९० दशमलव ८५ कित्ता बोनस सेयर चैत २० गते सोमबार सुचीकृत भएको छ । यस्तै वीन नेपाल लघुवित्तको चुक्ता पुँजीको ९.३३ प्रतिशतले हुन आउने ६७ हजार ६५० कित्ता बोनस सेयर पनि चैत २० गते सोमबार सुचीकृत भएको हो ।

साथै महिला लघुवित्तको चुक्ता पुँजीको ४७.५० प्रतिशतले हुन आउने ७ लाख ६२५ कित्ता बोनस सेयर चैत २१ गते मंगलबार सुचीकृत भएको नेप्सेले जनाएको छ ।

सुचीकृत बोनस सेयर साधारण सभा तथा लाभांश वितरण प्रयोजनका लागि तोकिएको बुकक्लोजको अघिल्लो दिनसम्म कायम सेयरधनीले मात्र पाउनेछन् । जसअनुसार वीन नेपाल लघुवित्तको २०७८ जेठ १७ गतेसम्म, आइएमई जनरल इन्स्योरेन्सको पुस २६ गतेसम्म र महिला लघुवित्तको फागुन ४ गतेसम्म नेप्सेमा सेयर कारोबार भई कायम रहेका लगानीकर्ताले मात्र उक्त बोनस पाउनेछन् ।

आइएमई जनरल इन्स्योरेन्सको माघ ९ गते सम्पन्न भएको २५ औं वार्षिक साधारण सभा, महिला लघुवित्तको फागुन २१ गते सम्पन्न भएको पाँचौं वार्षिक साधारण सभा र वीन नेपाल लघुवित्तको जेठ ३१ गते सम्पन्न सातौं वार्षिक साधारण सभाबाट उल्लेखित बोनस सेयर वितरण गर्ने प्रस्ताव पारित भएको थियो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।