प्रभु बैंकको ग्राहकले दराज केमुबाट नयाँ वर्षमा सामान खरिद गर्दा हजारसम्म छुट पाउने

प्रभु बैंक लिमिटेडका भिसा कार्डबाहक ग्राहकहरुले नव वर्ष उत्सव २०८० मा राज केमु प्रालिबाट सामान खरिद गर्दा अधिकतम १ हजार रुपैयाँ सम्मको छुट प्राप्त गर्ने भएका छन् । प्रभु बैंक लिमिटेड र दराज केमु प्रालिबीच उक्त छुट दिने सम्बन्धमा सम्झौता सम्पन्न भएको छ ।

सम्झौतामा बैंकका तर्फबाट प्रमुख सञ्चालन अधिकृत रश्मी पन्त र दराज नेपालका तर्फबाट भुक्तानी प्रबन्धक जोनाम भुर्तेलले हस्ताक्षर गरेका छन् । विसं २०७९ चैत २८ बाट लागू भएको योजनामा प्रिपेमेन्ट छुट सीमित अवधीको लागि मात्र जारी रहने बैंकले जनाएको छ ।

सम्झौता अनुसार ग्राहकले अप्रिल ११ देखी १४ सम्म डेबिट कार्ड मार्फत प्रिपेमेन्टमा ८ प्रतिशत वा अधिकतम ७५० रुपैयाँ बराबरको छुट पाउनेछन् भने क्रेडिट कार्ड मार्फत १० प्रतिशत वा अधिकतम एक हजार रुपैयाँसम्मको छुट प्राप्त गर्न सक्नेछन् ।

त्यसैगरी ग्राहकहरुले २०२३ अप्रिल १५ देखि २० सम्म २० प्रतिशत वा अधिकतम २००रुपैयाँसम्मको छुट पाउन सक्नेछन् । उक्त अफर र छुट पाउनको लागि दराज प्रयोगकर्ताहरुले आफ्नो बैंक कार्ड सक्रिय गर्नुपर्दछ । दराजद्वारा सूचीकृत गरिएको स्वास्थ्य, सौन्दर्य र पहिरनका सामानहरुको खरिदमा ग्राहकहरुले २० प्रतिशत वा अधिकतम २०० रुपैयाँसम्मको छुट पाउन सक्नेछन् । 

नव वर्ष उत्सव २०८० को लागि प्रभु बैंक लिमिटेडले आफ्ना भिसा कार्ड बाहक ग्राहकहरूलाई नव वर्ष उत्सव २०८० को छुट उपलब्ध गराउनको लागि दराज नेपालसँग आपसी सम्झौतामा हस्ताक्षर गरेको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।