बिहीबार सुन–चाँदीको भाउमा गिरावट

बिहीबार सुनको भाउ २ सय रुपैयाँले घटेको छ । सुनको भाउ आज तोलाको १ लाख १२ हजार २ सय रुपैयाँमा कारोबार भइरहेको छ । हिजो सुनको भाउ १ लाख १२ हजार ४ सय रुपैयाँ कायम गरिएको छ ।

नेपाल सुनचाँदी व्यवसायी महासंघका अनुसार आज तेजावी सुनको मूल्य १ लाख ११ हजार ६५० रुपैयाँ कायम भएको छ । हिजो तेजावी सुनको भाउ १ लाख ११ हजार ८५० रुपैयाँ रहेको थियो । साथै, आज चाँदीको मूल्य प्रतितोला ३५ रुपैयाँले घटेर १४ सय २५ रुपैयाँ कायम भएको छ । चाँदी सोमबार १४ सय ६० रुपैयाँ निर्धारण गरिएको थियो ।

महासंघले अन्तर्राष्ट्रिय बजारको सुनचाँदी कारोबार मूल्यका आधारमा स्थानीय बजारमा सुन–चाँदीको मूल्य तोक्ने गरेको छ । अन्तर्राष्ट्रिय बजारमा आज सुन प्रतिऔँस १ हजार ९३४ दशमलव ८७ डलरमा कारोबार भइरहेको छ भने चाँदी प्रतिऔँस २३ दशमलव ६४ डलरमा कारोबार भइरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।